呢排返工好多事發生...
我都唔知到底係我黑仔...
定係係我唔知道既情況下得罪左人, 所以而家佢地咁玩我...

但係我自問... 都無咩機會可以得罪到人...
所以我真係好唔明白到底發生緊d咩事...
唔開心既程度... 如果full mark係100...
我諗我有150...

我諗無人會明白我今次個心係點諗...
可能其實只係好小既事...
但係我覺得好難受...
我好怕今次會因為咁再次無左一份我放左好多心機同時間既工...
我唔想一次又一次都係咁...
今次呢份工可以話係Hotel之後最俾心機同抱有希望既一份工...
但係點知...

有個朋友叫我自己好好咁諗下發生今次呢件事到底點解會咁..
佢覺得我都有責任去諗一諗係唔係自己對counter唔夠盡責...
定係我個人有問題得罪左人都唔知...?

我諗左成晚......
但係都諗唔到自己可以點搞到人唔鍾意我...
就算係, 我估可能因為我係阿姐細佬個好朋友...
但係咁又點呢? 結果咪證明到俾大家睇就算係識,
都一樣要公私分明... 而家我一樣係無得返工...
我可以怨邊個? 而家搞到咁, 你地係唔係會開心d呢?
至於對counter唔盡責? 係呢度我真係可以百份之百肯定...
我係十分之盡責! so....? 結果咪又係搞到咁....
仲會有人信我講咩?

無人會明白我感受....
就算身邊既朋友點信我都好...
始終公司既人信唔信先最重要!

真係好想問偷野個個人....
到底係咁岩.. 定係我得罪左你搞到你想做我?
點解次次都咁岩係我返工既時候你先偷野?
唔係一次唔係兩次....而係三次都係咁!
一個月內3次, 你到底想點呀?!

對人太過好... 係唔係結果都會搞到而家咁?
做人真係幾難...
朋友..? 大把好朋友係我身邊對我好好...!
但係估唔到事業而家對我lai講...
真係好不知所謂!!!

到底係唔係我自己對自己要求太高?
不過我知道係好多人心目中我仲細唔可以咁心急...
但係對我來說, 我要求自己做咩都要做得好好什至要做到最好!
我要求咩事都要十全十美! 做得好好睇睇唔可以馬虎!
但係我好清楚知道呢種諗法都只會搞到自己辛苦...
所以我都好亂.. 唔知道可以點好...

其他野真係唔想再煩...
只係想搞好自己既事業...
過埋今年生日就21喇...
其實仲未算話好大個仲可以慢慢lai..
但係我覺得唔可以囉!! 因為我已經唔係第一年出lai做野!
做左幾年都仲係好似唔知自己想點咁!! 覺得自己好唔掂!

點都好! 我唔會因為今次呢件事俾你地睇死我!!
唔會咁易俾你地玩死!! 放心!!