5/2 - 1394

一早構思好新年甲甲look, 簡單得來夠哂低調就好啦~~
唸住整(紅色french+金邊)~~ 清清地.....估唔到carmen聽到之後, (打趣講唔做...依d咁普通既甲)..新年唔應該咁, 一點都唔襯你~~ 太低調啦~~ 下? 幾時變左浮誇個種架? 一向都係低調架啦~~ >.<

算...畫花就畫花, 選底色既時候, 有紅卜卜利是封色, 有暗紅, 有深紫紅選擇, 上次見車車既粉紅底都唔錯, 唸住整粉紅啦~ 點知carmen又話...太普通...個花唔出..太低調啦~~

終極豁出去, 整左姑姑果隻紅卜卜利是封色, 襯白花, 襯紅石~~
((不過叫左小玲n次...唔好將我10隻手甲整哂石))..接受唔到花上加花~~
最後18粒...真係算啦~~ 因為紅卜卜利是封..已經足至令八十條街既人望到我對甲...

magic nail自從karen無做之後, 客又多, 得番camen, 小玲同埋個唔多做得野既新人...結果..小玲做到好累...又心急想快d整完..結果隻手磨到邊邊位好多都損左呀~~ 整火酒既時候那到叫左出來..carmen問咩事.點解你會損左架? 算啦....唔想講小玲貪快..磨磨磨損哂....希望無咁多客既時候...唔好再係咁啦!

話時話依套甲...無乜人唸到我真係會整....好突破.......
hee....月尾就換甲..放心啦~~ 唔會比自己突破太耐...(因為都未接受到呀)~