2012-03-23 17:30:47愛貓宅女
新屋新生活！！
不經不覺展開新生活已經２個月多月了～～
開始習慣鄰近設施， 巴士站位置。。。（查實都係同區搬遷，所以好就可以適應）～
開始唔會亂按燈掣，太約知道按邊組掣了！！（鬼咩。。。屋企九百幾組燈掣， 全部都係灰色）～～
開始習慣無濕地公園望， 關窗簾望住個小那海景～ （日落既時候望出去都幾靚架。。如果可以炸左對面層樓就更加好）～
開始分類邊樣東東放係邊， 唔會再好似一個傻婆咁搵野。。。不過仍需努力， 仲有幾個櫃未拾。。。未有時間返舊屋拾埋ｄ尾。
屋企開始有家的感覺， 因為有叮叮，藍藍，感覺好ｗａｒｍ， 唔會再好似以前咁打開門， 冰冰冷冷～～
開始習慣二人生活， 開始倚賴對方。。。
每個星期媽咪來新屋１日， 煮飯， 幫助拾屋， 最重要係煲個愛心靚湯～～
最鍾意另一半放假， 成個傻仔咁企係巴士站等我。。。可能以前時時要等人， 如今有人等番我， 感覺好幸福呀！！
暫時幾鍾意新屋生活～ 因為收工返屋企唔駛再轉輕鐵， 慢慢行返屋企就可以～ 而且近商場左， 落行買野食都方便左～ 最重要係叮叮，藍藍有間房仔～ 生活舒適左。。。
同埋多左個工人比我老點。。。。。呵～～
哎呀!我係工人,情人,知己,打雜習於一身...呵呵.
PS:對不起..我太耐冇上BLOG...!!!
妳習慣新生活就好喇!