2005 年 1 月 9 日 凌晨 2 時 44 分

2005 年只係過左 8 日, 我已經喊第二次啦, 真係有0的可怕0既一年, 如果只係感動開心0既淚我並唔介意, 但今日0既眼淚並唔係開心, 亦唔值得記住... 亦希望聽日起身0既時候會咩都唔記得...

8/1, 今日同 joseph, meiyee, 亞蕭, 亞興 去左滑雪... 今日係開心0既...
但比起 24/12, 我會喜歡 24/12 0個日多0的 lor...
今次0的雪又唔多, 又多人 wo... 不過最後玩0個幾轉又真係好開心0既, 次次都話係玩最後一次, 但都會繼續去... 完全唔駛停, 一落架吊車, 又開始去嫁啦, 落到去, 又唔駛排隊, 即刻又可以去坐吊車, 臨完0個 30 min 真係好好玩... 我又係0的貪玩0既人 wo... 今次滑完都唔知幾時再可以滑, 可能要等多一年, 所以就玩到好癲...

玩到咁癲, 都唔係咁好... 尋晚個腦一直只係出現樂極生悲四個字, 有0的覺得自己好唔岩嫁, 我唔應該玩到咁...

今日亦感受過人生0既第一次... 0個一刻真係好驚好驚... 唔知點解 joseph 會叫左我去跟住亞興, 我唔知0個時可以做0的咩... 不停不停咁祈禱, 只係希望快0的無事... 好好彩, 亞興訓醒已經好好多, 雖然咩都唔記得, 但我地咁多個0係見到佢清醒0既時候, 終於先識露出一個笑容... 佢仲識同我地講笑 tim... 大家先安心0的...

諗返, 之前一次坐醫院已經係 5, 6 年前0既事, 0個次又係喊到我死... 0個次係媽媽要入醫院做手術, 識性以來第一次有親人做手術, 仲要我媽咪 wo... 雖然個手術0既危險性唔高, 但我諗無論咩手術都有危險性, 再者0個個係我媽咪... 0個次拖住媽咪, 睇住佢入急症室已經想喊... 等左 5 個小時, 見到佢出0黎, 0係未醒0既時候, 醫生睇佢個傷口, 媽咪又不停按0個個止痛0既掣, 我係喊到死, 見到個傷口加見到媽咪好痛好痛0既樣, 真係好驚, 0個時爸爸, 細佬又唔0係度... 得我亞姨陪住我... 唔知可以點算, 望到但咩都做唔到... 呢種感覺係最難捱0既... 我諗我係自0個次之後, 真係變得好乖, 唔敢亦唔捨得去激媽咪...

只係好想講, 今次要多謝 joseph, meiyee and 亞蕭, 我真係未遇過0的咁0既事... 好彩有佢地互相 support 大家... 多謝... 亦要多謝 yan, 我諗佢都俾我嚇到半死嫁啦, 一打去, 就係咁喊, 喊到唔停咁... 其實係因為滑雪前一晚, 我地講緊其他野, 佢叫我有咩事要記住打俾佢, 所以, 我就諗起打俾佢, 多謝 yan... 因為呢 8 日裡面喊0個0既兩次, 佢都係聽住0既... Thanks!!