2006年廣州肇慶天文科普之旅

今次係同:gap飛,小夢,羅白,nana,棺才,滕條,薯仔去ge
今次影左二百幾張相 其中有十張好滿意
同埋今次又更加了解左光圈快門ge運用la..^^
繼續學會捕捉瞬間

2006.07.29
今朝一早6:00就起左身la 但係尋晚就成兩點半先訓
搞掂哂double check 完 d 超重行李之後就出發搭巴士去關閘
fxxk d澳巴18號 等左我成幾個字先至有一架出現
差d遲到 上次去廣洲又係咁
去到lu 成大班人浩浩蕩蕩係關閘門口哥度等緊
有幾個人帶哂? 好誇張(其實入面裝住d野食)
等齊人lu 就出發前往拱北搭旅遊巴
沿途經過中山大學(廣洲)同埋廣洲美術學院
環境比想像中真係簡陋得多ar..= =”
簡直係嚇死人 真係好大陸feel
今日ge第一站係廣州第四十一中學 係全日都要留在四十一中渡過
一開始諗起其實都幾難頂 全日都要留係學校度悶死
但事實上係學校全日都幾鬼好玩wor
午休哥陣無lala成大鵬人走左入尼我地宿舍間房度玩(真係好突然)
齊齊係度玩killer 超好玩^^
係咁玩左個幾鐘 絕對冇午休過
跟住就搞左一個濠江式周會feel的開營儀式
因為薯仔剛才午休玩哥陣輸左 比人的左去做澳門學生代表講話 笑死
(下刪一千字)
跟住就落左去球場哥邊玩
玩水:
起水塔 射水波 係度掟掟掟
拔河:
第一次拔 瘋狂的拔= =
會長同副會長兩個大細路又係度玩單挑(會長:黎?強,副會長:李志輝)
又係度兩個互掟水球
玩完之後就自由在學校活動
跟住之後就返番宿舍度休息一下
by the way
我地住哥間201號房只係五個人住[gap,我,薯仔,羅白,組長梁偉(四十一中的)]
原本係五個人訓ge 但係有個因為完全同我地唔識 跟番佢大佬去訓
間房ge環境算麻麻la 個廁所同沖涼房先恐怖d 超超超超簡陋(公廁式哥隻)
而d床就係木板床尼ge 都唔算太
接下來就係晚飯時間la 同午飯都係差唔多
食得都幾飽ge 味道都ok的 餐餐都有一個飯後果
之後參觀學校ge歷史室 地理室 污水處理站同埋天文台
歷史室就成個古代書齋咁ge feel
地理室就有個電動旋轉星圖 好professional
個污水處理站..= = 真係冇野好講 仲以為係一個大型污水處理廠
而天文台入面真係幾靚ga 但天氣唔好冇得睇星
同埋佢支鏡ge物鏡裂左 就算好天都睇唔得清
呢個天文學會真係乜人都有 魔術師又有 占卜師又有
參觀完返左宿舍之後就坐係度睇魔術師同組長玩魔術
玩左兩個幾鐘 睇到攰 跟住開始沖涼lu
由於肚餓得濟 同薯仔摸黑行左去廚房度搵熱水同埋偷筷子去整杯面食
番到去班女仔坐定定敷mask
今晚成2:30先訓教 一訓就訓著

2006.07.30
由2:30訓到7:00左右 剛好訓左四個鐘 起身之後突別醒神
飯堂食早餐(腩汁腸粉,餃子,燒賣,白粥)
食完離開學校去中大隔尼ge昆蟲研究所
無乜特別 頗為無聊下 d講師講得好悶 係度睇死屍咁
急急腳痾埋督尿就去左農科中心la
都係好無聊ar 係有隻鴕鳥同埋成大堆怕羞草吸引
跟住係哥度打邊爐食午飯 食有機蔬草
之後就同四十一中d人 say goodbye 前往肇慶lu
係肇慶ge第一站係去睇端硯 仲睇到端硯ge製作tim 簡直係超級西利
之後就去遊鼎湖山lu 遊車河上去半山 睇大鼎 睇靚湖 行寺廟 行最佳品氧區
行到超? 買雪糕食 買山水豆腐花今晚食 總之就係行到好攰
之後遊番一分鐘車河落山 真係一分鐘 超快到山腳
可想言之真係行左幾多路
遊車河哥陣會長話下年組織去中國天文發源地南京
好ar..一定要去ar!
晚飯就去左隔尼哥間飯店度食飯
hoho 比會長同副會長投訴難食 事實上哥d野又真係唔多掂ge
之後就番酒店lu 原來我地哥陣已經係廣東省ge西北尾部la
再行多一陣就可以去廣西lu
今次住哥間酒店叫做南宮賓館 起碼有番個廁所用同埋有番部電視睇下
跟住玩左一陣電筒字 8:30就落樓下睇星星la
好可惜ar 夜晚起薄雲 冇得相約星空下
但最起碼可以睇到木星 月亮 獅子座ge軒轅十四 天蝎座ge心宿二 牛朗織女星
仲set左支雙筒鏡睇月亮同木星ge伽里略衛星
仲有好多副細雙筒鏡比人用尼自己睇
睇完之後就齊齊行肇慶夜街 買涼茶飲買野食
之後成鵬人仲去左酒店隔尼哥間水禾田度食宵夜tim(gap飛,我,薯仔)
食左干炒牛河,艇仔粥x2,三籠點心先四十二蚊 環境仲好舒適tim
跟住就拉大隊番酒店 終於沖番個熱水涼 爽哂
出番尼食埋碗山水豆腐花佢 好味 玩左一輪 攰到訓教lu

2006.07.31
訓到7:00 morning call醒左之後訓番訓到7:30
食早餐 去左隔尼酒店間珍寶大酒樓度食
oh 一大清早有裹蒸粽食
食完之後去包公寺 以為純粹參觀 淨係帶左部相機落車
搞到冇添香油 唔好意思ar 我都唔想ga 真係乜錢都冇帶
第二站去左睇肥仔偉裹蒸粽工場 再食多次肥豬肉裹蒸粽
第三站去七星岩 今次真係全程都係行la 好熱好焗
由西門入東門出 不過好彩期間都有得遊船河
其間攝影途中差點身比隻死丹頂鶴個嘴啄難我個鏡頭
其實七星岩都係得個行字ga炸 可以講係欣賞一下風光而已
遊覽ge行程到呢度完結lu
之後就去左一個山卡la地方食最後一餐飯
之後就搭三個半鐘頭車由肇慶返番拱北lu

會長話:
8/12邀請到哈佛大學講師尼澳門講宇宙大爆炸理論
8/19何東小學六樓會有模擬星空睇 介紹星座
8/26路環龍爪角有相約星空下的bbq觀星活動
呢個暑假差唔多都係跟天文學會呢度去哥度去..
去完香港去今次呢個trip..haha