久違了...拍拖拖既weekend~ - 4/5/2003

今日係星期六,亦都係小b期待以久拍拖既日子呀! 擒日仲落大雨,小b幾驚今日都會呀! 好彩上天都知小b好想同小圓您去拍拖,所以冇再落雨,令到我地可以去到stanley! hehe...

今日真係好開心呀! 食左好多好味既野呢! 有蘭芳園既午餐啦,去左紅葉睇書啦,之後仲去左wildfire食我地想試左好耐既tea set! 個teaset既pizza,炸雞翼,salad,同甜品都好好味呀! 而且仲可以坐響有海景睇既位置食左成一個半鐘... 雖然係大風左d,不過悠閒甜蜜咁同小圓您享受一個下午茶,真係好正呢! 圓您又開唔開心呢?

之後我地去左海邊坐... 雖然唔係坐左好耐,但係可以訓響小圓您既肩膀上,又可以從後攬實小圓您... 好幸福,好sweet呢! 小圓您俾小b攬住有乜野感覺呀??

不過估唔到小圓您今晚仲會同小b食飯... 但係真係好耐冇食過榮記既車仔面,又真係幾好味既,特別係d鹵水雞翼尖呢! 係咪知b鍾意食,所以俾小b食多d呢? 小圓真係好錫b呀! hehe... 之後我地仲去左starbucks飲野同睇報紙... 今日真係做左好多野呀! 係咪呀?

不過聽日唔知見唔見到小圓您... 亦唔知星期一定係二... 定係要再耐d先見到小圓... b一諗到咁就唔係好開心喇... 不過小圓您要番工,同埋要開始發力搵客... 而小b亦都只有兩個星期唔夠就交阿關既paper,而而家仲係冇頭緒點做... 又就黎要準備去ywca教班... 其實都係時候收拾情緒,唔可以再因為見唔到小圓而扭計,應該化o個d力量為做野既推動力架喇...

b會努力去試下架喇,小圓您會支持b架呵?

不過幾多野做都好,都要安排好時間見見同拍拖拖架,知嗎?

掛住住呀! 雖然今日見左差不多十個鐘... 但係都係唔夠... 而家又好掛喇!!!!!!!!!!!!!!!!!



4/5/2003 - 4/5/2003

b,今日我地出左成日街,做左唔多之前想做但一路都無做既野,其實真係幾開心,感覺上好似好耐無同您拍咁耐拖,都幾開心,hehe...或者係因為之前既一個星期大家都忙同埋又搞到唔係咁開心既緣故,所以今日小圓好開心,同埋個感覺係好close,唔知小b您開唔開心呢?
不過話咁快,星期六又過左,聽日係星期日,我都唔知我地有無得見,最衰係非典型喇,如果唔係既話,小b去街至少會方便過宜家,但係宜家我地應該點呢?
無論點,我都希望小b您會開開心心,唔係因為無得見而搞到自己唔開心,好唔好?