4/3/2003 - 4/3/2003

B,今日小圓同小b好似無乜事咁喎,其實小圓都有少少估唔到,因為畢竟小圓都無乜做過乜野,而小b好似已經當乜野事都無咁,所以小圓都有少少奇怪,不過諗真d,我諗小b都唔係好奇姐,只不過小b您係錫小圓,唔想小圓繼續唔開心,所以就開心返,等小圓既感覺都好返d,唔知我咁諗係唔係小b您既心聲呢?
其實講真,如果您係咁諗,我真係會覺得小b您好錫圓,雖然您好似已經唔係好開心,但依然係咁好咁對小圓,好似您自己話,您已經好刻意咁去改變自己,我明白您真係好辛苦,因為畢竟如您自己所講,您之前一路都俾人就慣左,所以...到左宜家,小b您肯為左小圓去改變同埋放棄咁多野,我諗真係除左愛,好難可以解釋到您點解會有咁大既決心去做呢樣野...多謝您呀!!!!
我諗我真係無乜野可以做到,但我諗我自己會係咁提住自己,唔好將自己對您既愛意放在心上,而係表達出黎,如果咁既話,我諗您會開心d,係唔係?