天陰有雨... - 4/2/2003

今日見到小圓...係三日冇見以黎第一次見到小圓,仲俾小b扭到同小圓您一齊食lunch,但係,感覺好似怪怪地咁,唔係好close,或者大家都依然因為擒晚既野好唔開心,又或者心裡面有條刺啦... 點都好啦,都總算可以見到小圓您差不多一個半鐘咁多...小圓您仲拖住小b走小b去火車... 好多謝您呀,圓!

我都知您星期五要考試,另外又以為b星期五出唔到街,先會約左阿高星期五晚... 我係應該體諒您既,但係... b真係好失望... 因為一直以黎,我都以為星期五同六係我地一齊撐木台腳食晚餐既日子,點知您問都冇問過小b就咁... 我唔係話見客唔緊要,因為您係以此為生,但係我覺得您應該問左我,又或者同我講聲先...

可能您講得o岩,其實只係我自私,處處都只係諗住自己想點就點咁... 雖然我已經改左,但係,我知道自己都未去到小圓您鍾意既地步...

點都好啦... 我都希望自己可以努力,做到小圓您想我做既野... 只係我今次又再次舊病覆發響度發癲... 對唔住呀...

唔知呢... 以前既我係好自私既,因為想要既野,一定要得到手;而而家呢? 或者經歷多左,都會刻意提自己要改,要多d從別人既角度,特別係我自己愛既人既角度去諗野... 是問自己都有做到,不過唔係時時... 今次或者係抑壓左一陣子,終於都係爆發左出黎...

小圓呀... 其實您了唔了解我既呢? 就連我自己都唔係好了解自己既時候,或者我唔應該要求您去了解我既心事,我既想法,我既感受... 正如我,都唔敢講自己有幾了解我所愛既您...

或者您睇完我今日寫既野之後,又會唔開心... 但係我又再次係好自私地,好想將自己積壓既感覺,寫晒出黎... 希望您唔會介意啦...

就當呢個真係我既日記... 您喜歡睇又好,唔喜歡睇都好... 呢個,係小b既日記,記錄左小b開心同唔開心既日記...



4/2/2003 - 4/2/2003

b,想話,我唔知睇左您既日記之後可以點回應,但我明白,我亦都想話您知我係有見到您既改變同埋努力,係我自己既問題,我唔應該推卸晒落您度,所以,我真係好希望您可以唔好咁唔開心...
我要趕住出去呀,對唔住...