星期二... 唉~ - 4/1/2003

今日星期二,本應星期二我地多數都會一齊食lunch既,不過結果今日都係冇見... 已經三日冇見lu~ 唔知到幾時先有得見到小圓您呢? 其實小b係有掛住小圓您既... 所以成日都會send msgs俾您... 但係我亦知道小圓您要溫考試,而且要做野... 我係唔應該阻住您既...

我知道自己鬧情緒只會令到小圓您都唔開心同埋不知所措,所以我知道擒晚咁樣真係令到小圓您唔知點... 只係本應您話同黃家寶食完飯唔會好晏,應該會早d番屋企,但點知搞到好夜先番到同打俾我,令到我有d失望... 而且雖然小b唔係有乜野特別野想同小圓您傾,但係總係想聽下您o個日做左d乜野,有冇乜野開心或者唔開心... 總之就係好想同您分享或者係分擔一切... 但係如果再係咁落去,我覺得大家都冇乜溝通,其實都有d擔心...

其實我唔介意您唔知我做左d乜,做緊d乜... 亦唔介意有時唔開心或者心情唔好既時候冇小圓您響身邊... 因為我知道我都要大個,唔應該成日都要小圓您tum... 我最驚既就係,小圓您有一日會因為小b乜都唔知您既野,您覺得同我既距離遠左,而開始覺得,我唔再了解您,您唔再需要我... 我好驚始早會有一個人,取代左我響您心目中既地位...

或者您會覺得我擔心係多餘都未定既... 畢竟您都會覺得係我得閒先會咁樣...

點都好啦... 我估您身邊都會有好多人對您好,正如我都係一樣... 所以我先會驚... 不過我又知道,兩個人一齊係要有信任既... 而且經歷左咁多野... 都可以咁難得響埋一齊,真係好想好好咁珍惜我地呢段關係... 但係唔鬧交,見到時拍下拖... 呢d係咪就係珍惜既表現呢? 我地之間既感情,係咪咁樣就可以有成長呢?

我都唔係好知自己想講乜野... 只係想您知道,我有幾著緊我地既感情... 希望您會明白我既想法同埋感受啦...

呢排真係發生好多事... 打仗啦,非典型肺炎啦... 大家又咁忙啦... 好似有好多壓力... 令人透不過氣咁... 我都知小圓您做野同搵客係有壓力架喇,我都唔想自己俾壓力您... 希望我冇將我地既關係變成您既壓力啦...

點都好啦... 身體要緊! 記得唔好再咁夜訓! 希望您番到屋企今晚可以早d訓,訓得好d啦~

4/1/2003 - 4/1/2003

過左今晚,我開始覺得...
自己真係一無事處,我覺得或者您心中既疑問係岩既,如果我係您,我都會有咁既疑問...
係,我諗我最大既問題係唔係好鍾意講自己既問題,我真係覺得每日返工已經遇到好多既壓力,我唔想返到黎,見住自己鍾意既人都要諗起d公事,我會覺得好辛苦...
但係,個事實就係,您係好需要知道我每一日都做過d乜,呢一點係我真係好難去滿足您既...
***
但原來您話俾我知,您只不過係打算講出黎等自己舒服d,可能我真係諗得太複雜,不過我真係好希望您可以了解同埋明白,可能我係過份咁去俾一d反應,呢個只不過係因為我真係好希望我地可以開開心心,如果有乜問題發生,我知道既我都會盡力去改善個情況,希望事情響可以補救到既情況下已經可以解決,唔會到左一d我地都彌補既階段先至去做一d野...呢個就係點解我會有咁大既反應既原因,希望您可以體諒,我諗我真係要好好地調節一下我既諗法...因為其實對我黎講,如果唔及時去解決問題,結果可能會俾人乘虛而入...
不過我諗我一定要向您講對唔住,因為起碼您都肯同我講您係點諗,俾左一個警號我,令到我知道宜家個situation係去到邊...我自己真係要好好地檢討一下...因為您既說話令到我覺得自己對您做既真係唔多,又或者係好少,令到您唔可以感受到我對您既感覺...慚慚地,我又開始行返個條舊路,唔記得左even我地係一齊,但都要時不時咁令到對方有一d驚喜,要令到對方感受到自己既心意...
如果我頭先講左乜,令到您唔開心,對唔住,希望您唔好放在心上,好老實講,我係鍾意您,我真係唔係好介意您係唔係好自私又或者點,只要我地係可以一齊,我係唔介意去做任何野架,您明唔明白呀?