3/29/03 - 3/29/2003

今日同左小b去左睇tomcatt,不過睇小b既反應好似唔係咁滿意,可能係之前對佢有太大既期望,所以真係睇完,又覺得未去到您想佢去既水平,所以先至會有咁既觀感既...係唔係?
不過與此同時,我反而係睇到一樣野,就係小b係過去既半年內真係好似進步左好多同埋好似叻左好多,睇野都深左好多同埋闊左好多,或者呢個就係您自己唔覺唔覺既,但我就真係好覺...小b應該為自己而感到驕傲呀!!!


星期天... - 3/30/2003

擒晚小b番到屋企真係好累好眼訓,所以冇寫到diary就訓著左喇! hehe... 係咪覺得b好懶訓呢? 唔知小圓您擒晚又結果幾多點先訓呢? 不過您而家都未起身,我估您都應該係好晏先訓架喇!!

睇到小圓您寫既野,竟然響度讚小b呀! 其實我估我都未必係咁值得您讚既... 如果真係長大左,識多左野,乜唔係應該更懂得從他人既角度出發去諗野,唔會咁易去批評其他人既咩?! 其實我都唔知呀... 有d唔知點既感覺... 或者,我真係對tomcatt既表演有好大既期望,所以先會有擒晚睇完之後既反應啦!

呢個info呢,係我頭先寫架:
"人長大，接觸的東西多了，便不會像小孩般，那麼容易得到滿足和快樂．對他人也開始挑剔什至是過份地挑剔起來... ...

究竟應該用怎樣的心情和態度，去看待身邊的一切人和事呢?

不知不覺間，也許自己真已長大了不少，面對曾經令我瘋魔的人和事，如今再次接觸，竟然換來了失望... ...

也許回憶裡的他/它，才會是最好的吧!"

可能您會覺得我寫埋d咁既野有d感性呀呵... hehe... 唔知呢?! 不過呢,其實因為擒晚睇呢個performance,令我諗番起以前一位我中學既老師呀! 我估我以前可能都有提過下佢既,佢叫miss jor,係教我gpa架! 我中四五既時候,好鍾意佢,因為覺得佢既教學方法好特別,好critical,對引導學生去思考好有幫助... 但係後來去到中六七,接觸佢多左,聽佢講既野又多左,慢慢地我就覺得... 好似擒晚睇完個show之後既感覺囉...

或者真係自己大左,期望可以拎到d新既野,唔再係以前成日都聽o個d啦... 所以我先會有咁既感覺卦... 但係您覺得,我應該唔好再去接觸o個d野,定係換一個心態去睇呢? 我都唔知自己應該要點先o岩...

另外,您擒晚都提到一樣我覺得幾重要既野,就係好似讀gender studies,又或者係搞女性運動呢d野呢,已經去到一個困局咁... 特別係響香港,好似都冇乜突破... 有時諗諗下,都唔知自己響度讀埋d咁既野係咪真係有用,係咪真係對現狀有d作用...

不過唔知係好彩定係唔好彩,一直以黎我都冇諗住響呢方面有長遠既發展... 所以我估我讀完呢兩年,我都係會做番我自己由細到大都好想做,覺得好有mission既老師,或者會更加好同埋適合我!

唔知呢... 好似講左好多咁既野添! 小圓您悶唔悶呀? hehe...

係喇,擒日其實b都幾開心架! 同小圓您飲下野,食下飯,睇完show仲一齊去左食糖水喎! 好耐都冇試過可以去街去到咁夜先番屋企lu~ hehe... 雖然帶住個口罩真係好辛苦,但可以拖實小圓您,一齊拍拖,o個種感覺係好滿足,好幸福架!

不過,唔知會唔會好似您個朋友用搭羅__所測咁,香港仲要過多三個月先冇事呢? 係既話去到六月七月,實辛苦死啦! >.