3/24/03 - 3/24/2003

b send左個msg俾小圓,話俾小圓知小b個胃真係好似好唔舒服咁,其實小圓都有少少擔心...其實今日都唔止咁既擔心,唔知點解我真係幾擔心宜家既流行肺炎,小b,您真係要小心d,因為如果有乜野事上黎,都唔知點算好...
今日我自己都有問過自己,如果我遇到咁既情況,我會點?好坦白講,我覺得或者我會對唔住自己既屋企人,要佢地養到我咁大,但講真,我覺得我如果真係有乜野事,都好彩有保險可以俾到佢地;但至於小b呢,我諗起都會覺得唔係太開心,因為我覺得唔可以俾到d乜您......
我都唔知自己點解會諗起呢d野...真係有一d驚自己會有一日走先過您一步...
想同您講:
love u always~

擔心... - 3/24/2003

其實小圓您日日都要見咁多人,去咁多地方,小b都好擔心您會病... 不過叫您帶住個口罩我估您都未必肯... 所以唯有就係叫您自己小心d... 我估有小b既愛同埋祝福,小圓您唔會有事架! 同埋最重要就係,一有d唔舒服就應該要去睇醫生,因為其實係有藥可以醫到既,唔好等到真係病到好嚴重先去理,我估應該唔需要過份擔心既...

不過b連續兩晚個胃同肚都唔舒服,要小圓您擔心,小b都好過意唔去呀! 我都希望自己可以快d冇事,做番一個健康活潑既小波b啦...

今日有d同學見到我個新髮型,話我小朋友左,但係亦有人話成熟左... 唔知小圓您點諗呢? 不過點都好啦,我估小b個外型點變,您都一樣咁愛b既,係咪架?

聽日我地十一點見見,好嗎? 又要做野,又要見客,又要搵客,又要抽時間陪小b,又要擔心小b... 真係辛苦晒您喇,小圓! 您都要好好照顧自己,唔好捱壞身體呀,知道嗎?

愛您呀! ^.~