訓到中午，收到電話，
通知我可以去整指甲，
THANKS JOYCE代我MAKE RESERVATION~

整好指甲，買了些食物，
約了新爺在金巴利道，
一齊去青樺睇相

一打開門，NICOLE已在門口迎接我地，
之前跟開我地張單o既SALES無做，
今次我地都係第一次見NICOLE，
覺得佢好可爰，應該都會幾o岩傾～

我選青樺影相，原因除咗覺得質素有保證外，
仲有最鍾意佢地唔會SALE野，亦唔會煩住你，
開部電腦俾你隨意睇，完全無人煩住你，
選到你自己滿意為止～
我地兩個睇咗好耐，睇到九點半人要收舖至走，
暫時選咗８２張相，但未決定好，
SAVE咗o係電腦下次再睇．．．

至於D相，並唔係我想像中咁靚，
或者係我自己期望過高，
又或者真係因為落雨o既原因，
既然已成定局，我亦唔諗咁多，
唯有將來等睇下D咩周年紀念之類，
再去影過D靚D GA啦～