講左好耐去白雲山
上個星期五終於起行
我地一行七人第一站去左沙面
個度好有歐陸feel
但我覺得似澳門多d
係入面好舒服,人唔多
時不時仲見到幾個外國人

第二站係白雲山
但因為同沙面距離很遠
我地被迫行差唔多一個鐘去巴士站
我地沿住珠江邊,有個位好似上海外灘,好靚
個個咩住背囊,真係好似去左上海旅行
食完晚飯後,我地又搭左差唔多一個鐘巴士
終於到我地第一晚住既地方--白雲山腳
因為第二朝要三點幾起身上山
所以我地個晚決定唔訓
買左mask一齊做
個個訓係床度白晒塊面仲要影相
好似集體停屍間甘
我地仲係房度發現左一個應該被用過既安全套

第二日我地收拾好行裝,四點幾向白雲山進發
由於天未光,上山既路好黑
對於一向怕黑既我真係大考驗
一路上我都抓住阿詩只手
有某處我仲覺得好似有野添(我多心啫)
因為阿德佢地之前已經上過一次
對路程熟悉,加上我地又驚,行得好快
所以我地用左大概半個鐘度就到左我地要睇日出既平台
係上面好清楚甘望到遠處既中信,珠江
無奈事與願違
個日密雲,遮左個日出
我地好失望甘等到七點決定落山
係落山前,我同阿詩一齊對住個山大叫左一陣
又一次特登睇日出睇唔到la
我地沿路折返
打算回學校結束旅程

待續...

圖片係系酒店房,臨出發前對鏡影既,感覺有d鬼異