前個兩晚都冇返屋企訓覺, 一日佢放假, 另一日佢返早.
我失眠呀, 到朝早先訓得著, 都唔知點解會咁... 明明冇野諗ga.
佢返早個日起身, 我仲同佢講早晨, 差d想去食早餐tim.
訓到佢放工返黎, 剷我起身, 狂叫我快d快d快d... 話返鄉下wor, 我信呀.
點知係約左人去食飯仲買埋飛去睇戲, 咁好人, 少見少見.

食埋野, hea一陣就沖個涼洗個頭, 到我吹頭ge時候佢就冇得訓.
最常上演ge一幕都係大戰, 俾阿妹見到都話好心佢啦, 係咁恰我. 真理長存!!
一齊睇下棒棒堂之後就換衫出發, 首站, 和花亭.
真係食到想講粗口, 太可惡啦, 一次比一次唔抵食, 冇咩事都唔會再去囉.
食左之後, 男朋友問我想唔想去今晚同事生日個邊...
我雖然口講話冇所謂, 都係想睇下佢記唔記得自己之前講過d咩.
但佢就叫我唔好去, 返屋企好d. 我個道氣又黎啦~
前個幾日叫我咁夜唔好出去, 等星期六一齊去啦咁... 依家呢?!!
我都唔知俾咩反應, 唔出聲囉, 跟住去到tower, 一坐低佢就問啦...
問我咩事, 我答”唔關你事”, 再俾個可惡ge笑容過佢.
佢就唔好老脾啦, 話咁樣一陣有排嘈wor...
冇幾耐佢俾個sms我睇話生日個個話冇收到sms ge唔好去, 即係唔得帶人去.
我心諗, 你唔一早拎出黎俾我睇?! 跟住我咪話唔去囉.
佢見咁樣又話佢都唔去, 俾低封利是就算, 咁即係玩野je...
根本就唔係佢去唔去ge問題, 係佢之前講ge野當食菜咁食左囉.

睇完戲, 因為佢今日冇揸車, 唯有跟同事車走, 俾佢扯埋我去個生日k度.
頂, 都話唔去囉, 去到真係全部同事, 得我一個唔知做咩咁.
我都係想唱下歌je, 好彩都算玩得到, 但個勢冇左之後就飲飲飲, 飲到急.
諗住hea下hea下就算啦, 點知有一名同事要同我玩, 我諗... 即係玩我je.
佢出黎玩, 應該多過我食粥啦~ 不過我諗住飲多d可能會好訓d.
所以都冇咩所謂, 同埋又唔駛痴實男朋友呢, 成塊膏藥咁.
於是飲到好暈, 知道自己唔可以再飲, 跟住去嘔, 幾辛苦.
男朋友玩多一陣就拖埋我走, 唔知對我黎講點先算醉呢??
我清醒個wor, 又知自己做緊咩, 係覺得暈je, 都冇咩野ge.