睇得出我好懶呀呢, 除左冇時間冇乜心機打之外, 冇特別野打都係重點.
我諗我只可以打d我依稀記得ge野出黎啦, 每日做過ge野真係好難諗返起.
呢段時間我......

前個幾日都仲要返學, 不過本來4號開始唔駛返, 但個日civil.有quiz.
即係唔返唔得啦, 第日又有public speaking ge make-up class...
即係又要返, 仲要係返去做impromptu speech, 未訓醒呀老細!!
痴下痴下做講得好少, 俾人笑... 笑啦笑啦~
跟住個幾日唔係溫少少習就見下男朋友啦, 第一科exam係星期一.
ling.~ 聽講佢係會出返d test同quiz, 所以記好晒佢地就得啦.
而成績呢, 你地估唔估到幾多呢?? 估下啦估下啦...



係90!! 90~ 雖然exam只係佔30%, 但你地話呢個係幾咁好ge一個開始呢!!
跟住個日就係translate., open book, 都有d驚ge~
因為個個阿叔真係心裡心裡有個謎, 係我地冇辦法解開ga...
佢太中國化啦, tran. ge野都唔同我地心裡面諗咁樣ge.
exam度有一題chin. tran. eng.~ 青青河邊草, 鬱鬱唔知乜q野.
真係唔會揀呢句黎tran.囉, 不過佢都算識做啦, 8句都有5/6句handout有ge.
所以呢科應該起碼pass先啦, 黎緊ge係civil., ELL ge天敵.
係呀, 中間有一日我忍唔住去左睇Prince Caspian, 唔錯呀~~
卡斯柏, 你真係好靚仔!!!!! 呵呵呵...
係啦, 睇左戲之後都係以溫習為主, 不過到左12號, 即係尋日...
我朝早先食左個板燒雞扒扭扭粉做早餐, 但跟住就覺得個人好攰.
仲有骨痛, 喉嚨痛, 咪即係感冒囉... 尋日都只係作病je.
作住黎溫囉, 溫得幾入腦呀會?? 唉... 食粒退燒藥就訓啦.
到今朝起身真係病啦, 個天落大雨, 但都係去買扭扭粉食.
食埋又繼續溫, 溫呀溫, 返到學校睇多兩眼, 入課室.
哇... 好彩我醒目帶多件外套je, 不過都係凍到起雞皮.
盡快咁考完, 專係出d我冇溫個wor, 唯有乜都寫下俾佢啦, 冇計~
今日已經著左件血紅色ge褲, 帶埋考試救星個牌...
出門口前仲淋水俾追分成功小草草tim, 但應該唔係好大作用.
考完就呆下呆下咁去睇醫生, 本來想睇愛珠, 點知休息數天.
跟住男朋友黎左搵我, 然後去睇祖玉, 以下係對話一則...
玉: 咩事呀?
M: 感冒.
玉: 做咩會感冒ga??
M: 讀書太辛苦啦~
玉: 辛苦?! 你又唔係讀大學.
M: 我讀大學ga啦...
玉: 大幾呀?
M: 大二.
玉: 咩名呀?
M: 鍾曉雯.
(...搵資料...)
玉: 3歲黎睇, 依家幾多歲呀??
M: 20.
冇錯, 無聊之中帶丁點意思ge對話, 識左醫生好耐啦, 唉...
今次係我頭一次答20歲, 感覺好似個人大得好快, 又或者係老得好快.
係啦, 睇埋男朋友就車我返黎啦, 俾佢話我燒壞腦...
快d好返啦唔該, 仲有兩科要考, 迫埋係同一日tim.