唔知點解又係訓得唔好, 到左12點幾就起身.
刷牙洗面換衫紮埋頭髮就出去覓食...
自己一個食飯, 跟住去左買蔘蜜飲, 最近好中意飲佢.
然後去營地街市買餸, 見到點解檔檔都係乜乜豬肉乜乜豬肉咁.
行左一陣先知牛肉檔係另一邊, 街市真係大啦.
跟住就去買糖水攞返公司請佢地食, 我都知個間糖水唔好食ga啦.
但奈何我淨係知個間可以買, 跟住就返屋企放低d野.
再夠鐘出門口返工, 差d遲到, 點知都係我到先.
跟住又係悶悶咁睇guide book, 悶悶咁玩電腦...
放工就返屋企, 食飯, 沖涼. 想打電話俾男朋友, 咁o岩佢就打黎.

唉, 聽完佢講野, 令我唔知點咁. 又話去去去, 依家又搞到唔想去咁.
有乜理由問我其實想唔想去, 我已經諗住走兩日堂啦.
我諗都係唔好俾咁大期望啦, 費事又失望. 依家都係有d唔高興...
就算佢點兜, 我都覺得... 唔知點解想喊. 忍一忍, 咁就過左去啦.