10點幾11點起身, 起得好爽快, 因為今日有特別任務, 就係拜拜啦.
係拜拜之前, 全部人一齊去飲茶, 成個家族都出晒黎.
飲左茶, 就出發去拜拜. 清明時節雨紛紛, 今年都唔例外.
之前每年ge清明節, 係女麻女麻帶領我地咁多個去拜拜.
今年相反左, 我地咁多個人一齊去探女麻女麻, 我唔想用個拜字.
相入面ge女麻女麻好靚女呀~~ 見到女麻女麻張相, 我個心定左好多.
拜拜要到3個唔同ge地方, d雨又落得唔細, 我地都靠雙腳行晒佢.
差唔多成身濕晒, 但唔會覺得攰, 亦唔會覺得麻煩.

拜拜之後就返屋企, 沖個小涼, 之後我就去左搵男朋友...
去到, 佢係度打機, 聽講打左好幾個鐘. 真係勁~
過左一陣就同阿妹一齊睇碟, 我唔記得個套叫咩, 又係有音樂元素個d野.
換衫食飯, 食飽就同阿b玩, 玩之餘我仲同佢溫英文, 考下佢有冇乖乖溫書.
同佢越fd真係玩得越癲, 玩到我身心都幾疲累下.
跟住就真係有個任務等住我, 男朋友訓覺, 我熨衫.
我只可以講, 個熨斗恰我!! 但我都冇放棄到~
熨晒, 但加左幾次水, 用左個幾鐘. 熨到我眼訓, 刷牙洗面訓覺.