中國終於有太空人上太空喇，無疑真係一件好開心既事，真係好值得慶祝。但係，其實係唔係香港人而家太唔開心呢??將一件國家大事好似講到一年香港大事，香港大事慶祝新聞都日日頭條…諗深一層，前蘇聯同美國響40年前已經做左呢年事，國家響人地40年之後先至做到，大家有冇諗過點解呢?1960s 係中國文革，所謂「無la la 多達la」，攪到全國都好亂，人地西方就不斷發展太空科技，以致有今日既成就。其實，中國地大物博，如果冇左10年之難，可能中國都有一頁輝煌既歷史…所以今次中國人上太空，對我黎係冇乜感覺，仲好唔明點解落後40年既野都俾人攪大到好大。其實，以中國而家既成就，係有機會「超英超美」，我地到時再廢慶祝，係唔係更有意義呢??
仲有呀，香港人真係好愛國，但係唔好一時既好事就攪到大家「飄飄然」，以為中國有大事發生左就乜都唔諗就同人地慶祝，我地都要認真諗下呢件事響某程度上係一件唔係光榮之事。