今朝返到舖頭，一個客都冇既～好怪呀，理應好多客先岩個啵！！冇耐又收到我相公既電話，好開心！^.<呵呵～佢要返一返去大陸，但果種感覺好似要去好耐咁既～好怪呀！所以個心都唔係咁舒服！因而搞到我冇乜心情對住ｄ客，之後唔想再諗，做下野打發下ｄ時間，而且冇客既時候最好就係→切檸檬。好好玩架！^^`再晏ｄ，ｄ人氣勢如虹，不斷咁湧入黎.........＠＠"'忙到痴線。。。透都透唔到氣咁滯＊～=.="'做下做下，都３點幾，個老細就話已經開始準備我既豐富午餐→燒豬頸肉＋自製既紅豆冰，果然照顧周到啵！^^v呵呵～＊

　　好可惜今日同我一齊做果個女仔→阿平，佢好怪呀！以前覺得佢冇乜野既～但．我終於都知道佢點解咁唔受歡迎（佢之前做果間ｄ人唔多鍾意佢喎！）佢好扮野咁呀！懶係快咁喎～而且成日郁人地既～><"'我一沖野飲，佢又唔自覺拎俾ｄ客，要我親自出馬．．．．一到佢沖野飲喇～又叫我拎喎！佢都痴痴地既～＊所以我有ｄ野就借ｄ倚唔做，等佢做啦～做死佢。呵呵～^0^

　　好彩舖頭ｄ人錫我ｊａ！嘻嘻～^^v拿拿臨煮野俾我食左先～而且我之前幾日冇乜胃口，老細就特登整一樣開胃既午餐俾我喇～真係好好人喔！^^v而另一個老細見到好好味咁～〝咋咋帝〞拎黎食喎！搞到我要鬧佢先肯收手ｕ.u"'冇佢修呀！４點鐘我相公打黎喇～哈哈～成個人都開心哂，好想見到佢個人呀！最尾都係見左一陣面，已經好滿足喇～＊

　　今日返工返左８個鐘，唔覺得好累咁喎！^0^可能好好玩啦～又唔係太辛苦......不過就唔夠訓=.="'慘慘！

　　琴日行街街影左ｄｄ相，一陣先有得睇，希望靚靚啦～嘻嘻^.<好啦～而家快ｄ沖番個熱水涼先，一陣仲要幫細佬默書，唔知自己會唔會發脾氣呢？>u<唔會既．．．我諗！仲要執番ｄ長袖衫仔ｔｉｍ～＊之後就係煲番個〝靚粥〞先得架！呵呵～＊


　　　　　　║－掛心－║