琴晚同相公傾偈，傾傾下，我地講番一件好搞笑既事－－就係有一次，同相公出街，佢好有心買薯片俾我食，仲幫我開埋ｔｉｍ！點知佢一用力開，成包薯片爆開左－－【落地開花】，一片片咁跌番落黎，好震撼呀！側邊ｄ人又望住我地喎，好唔好意思呀！^^``一包薯片就係咁冇左ｌｕ～只係跌淨一塊薯片，唉．．．．一包薯片只食得一塊，真陰公啊！！結果又走番入百佳買過另一包黎食，我梗係要親自開啦，一出到去，就見到一個嬸嬸掃緊個地，唔好意思喔！！～＊

　　今朝返工，都幾游閒！^^v所以我就〝切檸檬〞，又可以過下癮喇～好玩！冇耐．．老細問我想唔想食║豐富既早餐║？！我一口話想呀！所以俾＄＄叫我落去百佳買兩包出前一丁，好野！！之後一齊品嘗早餐←食鰻魚呀！^.<又飽飽喇！

　　今日個同事仔返唔到工，所以我就直踩到６：００，唔錯喎！因為２－３點過後少ｄ客，一個人頂都得，晏ｄ，阿姐返黎開工，佢買左ｄ蛋糕俾我地食，嘩嘩嘩．．．．又開餐喇～我既下午茶！美味！之後都係非常之得閒架，小小客仔陪下我，見悶悶地又切檸檬仔喇～嘻嘻～＊到５點幾，老細問我食唔食野，嘩．．．點頂得落呀！－－－－唔食！

　　放工，有我最低鍚既相公接放工，正呀！跟住一齊番屋企，我一番到去，即刻撻落舖床度，好累呀！！之後洗白白，仲要幫細佬ｃｈｅｃｋ功課，唔制呀！ >.<"'

好喇～而家係時候煲粥仔喇，希望今晚可以快ｄ訓著覺啦～琴晚訓唔著呀！><