2003-04-01 09:41:07A-chiak
賣菜坤--a
Beh 50 歲--a，志坤猶原tak工透早天be光，就駛hit台3噸半e貨車去批發市場割(koah)貨。了後，seh轉來附近e庄頭，沿路hoah賣，固定e路線，無變化e放送聲，「賣菜--ou！買菜--ou！買魚a、買菜，趕緊來--ou！上青e魚a、豬肉、灌chhiang、豆腐、豆乾…，beh買緊來--ou！」人客聽著這款放送聲，就知影賣菜坤--a來--a，厝內若有需要就會緊出來買，志坤--a總--是會ti廟埕抑是kam-a店口停khah久--tam-poh-a，聽(theng)候人客來交關。
這幾年，志坤--a tak庄頭走透透，發現1個怪奇e現象，就是外籍e新娘na來na 濟，志坤--a憑伊生理人e目色kap經驗，真緊就知影toh 1個新娘是位toh 1個國家來--e，嫁hou toh 1口灶做新婦。志坤--a ka做1個歸類，有越南--e、Kiam-phuh-che柬埔寨--e、印尼--e、泰國--e、中國--e，志坤--a心內teh想，若全部做夥出來買菜，m就be輸聯合國開會--leh，ka-chai chiah-e查某人攏真gau，真khiang-kha，chiaN緊就加減會曉講台灣話--a，kiam-chhai-a chiah來khah生疏，準be曉講，ma會用比--e，志坤--a 1點a攏be煩惱無法度溝通e問題。
事實上，志坤--a厝內ma娶1個越南新娘，tu開始e時，啥麼攏be曉，經過吉a婆--a調教，chin是1個標準e賢妻良母，hou志坤位無某無猴e羅漢kha，變作2個gin-a e老pe，吉a婆--a上滿意--e就是新婦為in李--家生2個金孫，1個查某、1個查甫tu-tu好。
本底吉a婆--a tak工攏ka新婦顧tiau tiau，be輸顧賊a--leh，驚新婦漏跑，聽講hit款代誌tiaN-tiaN發生，hou吉a婆--a提心吊膽，一直到 gin-a生--落-來，新婦ma chiaN phah拚chhiaN家，吉a婆--a chiah肯hou新婦自由出入。
猶未生gin-a chin前，志坤--a bat chhoa某做夥出去賣菜，2翁a某做夥出去hoah賣，沿路有伴，ma khah趣味，tu著kang款越南來e新娘，in某就用故鄉e話kap人交談，互相攏chiok歡喜--e，就按呢，志坤--a ma開始加減學幾句a in e話。
Chin志坤--a koh回復1個人賣菜e日子，tu著越南新娘，志坤--a用越南話kap人客相借問，頭1擺聽著e人客攏驚1 tio，了後展開難得e笑容，後回in就主動用越南話kap賣菜坤--a相借問，志坤--a無形中kap人客e距離khiu加真oa。
雖罔志坤--a真拚勢做生理，人客ma真照顧，m-koh志坤--a e收入無介好，小小e庄頭，人口無che，大部份是老人kap gin-a，koh有1-koa留ti庄kha作sit e中年人。少年家ti都市讀冊，了後ti都市食頭路，罕得有幾個決心beh轉來庄kha發展，人chio，加上tak口灶攏ti前後埕種1-koa-a菜，親像金瓜、菜瓜、川 七、番薯葉a、eng菜、白菜……，thah著koh買--leh。志坤--a ma想--過，換途討趁khah有額，i bat去貨運公司應徵駛車e運匠，m-koh頭家看著i e to手就ka拒絕--a，做工a koh khah免講，想無步，m-chiah到taN猶leh賣菜。
志坤--a e to手，是少年時ti台北食頭路，hou工場e機械絞歹--去-e，hit-chun猶未30歲。志坤--a toa院e時，頭家好禮koaN 1籃a lin3-go3去ka看，叫i安心養病。出院soah ka辭頭路，講i無法度操作機械--a，叫i轉去食ka-ti。Hit-chun開始，志坤--a四界chhoe頭路，四界碰壁，尾--a，chiah轉去故鄉二崙a賣菜，故鄉e人、故鄉e情、故鄉e景物，安慰i受傷e心靈，hou i再生e力量kap勇氣。Chit-ma，志坤--a若想著溫順e某kap 2個古錐e gin-a，就心滿意足--a。
Beh 20年--a，無論透風落雨，無論出日頭抑烏陰天，只要lin斟酌聽，ti二崙a附近e庄頭，tak工攏有賣菜坤--a e放送聲，「賣菜--ou！買菜--ou！買魚a、買菜，緊來--ou！……」
這幾年，志坤--a tak庄頭走透透，發現1個怪奇e現象，就是外籍e新娘na來na 濟，志坤--a憑伊生理人e目色kap經驗，真緊就知影toh 1個新娘是位toh 1個國家來--e，嫁hou toh 1口灶做新婦。志坤--a ka做1個歸類，有越南--e、Kiam-phuh-che柬埔寨--e、印尼--e、泰國--e、中國--e，志坤--a心內teh想，若全部做夥出來買菜，m就be輸聯合國開會--leh，ka-chai chiah-e查某人攏真gau，真khiang-kha，chiaN緊就加減會曉講台灣話--a，kiam-chhai-a chiah來khah生疏，準be曉講，ma會用比--e，志坤--a 1點a攏be煩惱無法度溝通e問題。
事實上，志坤--a厝內ma娶1個越南新娘，tu開始e時，啥麼攏be曉，經過吉a婆--a調教，chin是1個標準e賢妻良母，hou志坤位無某無猴e羅漢kha，變作2個gin-a e老pe，吉a婆--a上滿意--e就是新婦為in李--家生2個金孫，1個查某、1個查甫tu-tu好。
本底吉a婆--a tak工攏ka新婦顧tiau tiau，be輸顧賊a--leh，驚新婦漏跑，聽講hit款代誌tiaN-tiaN發生，hou吉a婆--a提心吊膽，一直到 gin-a生--落-來，新婦ma chiaN phah拚chhiaN家，吉a婆--a chiah肯hou新婦自由出入。
猶未生gin-a chin前，志坤--a bat chhoa某做夥出去賣菜，2翁a某做夥出去hoah賣，沿路有伴，ma khah趣味，tu著kang款越南來e新娘，in某就用故鄉e話kap人交談，互相攏chiok歡喜--e，就按呢，志坤--a ma開始加減學幾句a in e話。
Chin志坤--a koh回復1個人賣菜e日子，tu著越南新娘，志坤--a用越南話kap人客相借問，頭1擺聽著e人客攏驚1 tio，了後展開難得e笑容，後回in就主動用越南話kap賣菜坤--a相借問，志坤--a無形中kap人客e距離khiu加真oa。
雖罔志坤--a真拚勢做生理，人客ma真照顧，m-koh志坤--a e收入無介好，小小e庄頭，人口無che，大部份是老人kap gin-a，koh有1-koa留ti庄kha作sit e中年人。少年家ti都市讀冊，了後ti都市食頭路，罕得有幾個決心beh轉來庄kha發展，人chio，加上tak口灶攏ti前後埕種1-koa-a菜，親像金瓜、菜瓜、川 七、番薯葉a、eng菜、白菜……，thah著koh買--leh。志坤--a ma想--過，換途討趁khah有額，i bat去貨運公司應徵駛車e運匠，m-koh頭家看著i e to手就ka拒絕--a，做工a koh khah免講，想無步，m-chiah到taN猶leh賣菜。
志坤--a e to手，是少年時ti台北食頭路，hou工場e機械絞歹--去-e，hit-chun猶未30歲。志坤--a toa院e時，頭家好禮koaN 1籃a lin3-go3去ka看，叫i安心養病。出院soah ka辭頭路，講i無法度操作機械--a，叫i轉去食ka-ti。Hit-chun開始，志坤--a四界chhoe頭路，四界碰壁，尾--a，chiah轉去故鄉二崙a賣菜，故鄉e人、故鄉e情、故鄉e景物，安慰i受傷e心靈，hou i再生e力量kap勇氣。Chit-ma，志坤--a若想著溫順e某kap 2個古錐e gin-a，就心滿意足--a。
Beh 20年--a，無論透風落雨，無論出日頭抑烏陰天，只要lin斟酌聽，ti二崙a附近e庄頭，tak工攏有賣菜坤--a e放送聲，「賣菜--ou！買菜--ou！買魚a、買菜，緊來--ou！……」