前幾日(甚至我唔記得左幾多日之前, 可能只係前一日), 睇到一則新聞講全球第二個人自費上太空旅遊。我最初不以為意, 只不過係另一個超級有錢佬燒銀紙0者。今日睇報紙, 講佢今日升空, 林林總總0既介紹, 至知道佢係非洲人。

佢個名叫Mark Shuttleworth, 係南非白人。0係非洲靠IT 0係26 歲0個陣坐擁45 億HKD 身家。淨係呢樣已經印證左nothing is impossible 呢個至理名言。不過更加犀利0既係, 今年28 歲0既佢要上太空。

以一個貧窮國家0係講, 唔好話飛天, 淨係坐定定食得飽已經好好, 所以最初當然冇人睬阿Mark。後來佢打公關牌話佢咁做係"一切為非洲"之後，好多人(包括睇完報道0既本人) 都好appreciated 佢/ 支持佢。姑勿論佢係咪想收買人心再賺多d 錢, 但係佢唔止口講, 仲用行動表示出0黎-- 資助兼為非洲多間大學在太空進行有關醫學同生物科技研究(而佢本人都做白老鼠接受幹細胞實驗), 並聲言返0係之後會訪問學校闡述太空之旅。佢仲帶埋國旗同愛滋病團體送0既小玩具熊升空，宣揚愛國同反愛滋信息。(by the way, 個公關都做得好成功)

藉著Mark『稍後到南非各學校訪問, 可以打破學生認為只有到歐美才能實理想、出身貧窮之地難有出頭天的觀念」。其實呢番說話好值得好多唔肯返大陸0既過期居留人士以至成日怨天怨地0既香港人反省。 況且,香港以至中國總括0係講, 都唔窮得過非洲0卦??