酵母活性測試
基於上次麵包既失敗, so一定要check下酵母係咪仲未死, 仲有活性,
之前我整菠蘿包既時候, 就咁將酵母加入水, 由佢既氣味同顏色去判斷,
其實都唔算好準確,
前日我睇網友介紹佢既測試方式,
so我就照版煮碗, 不過由於呢幾日天氣凍, 我又無特別為準備發酵溫室,
so到後來就由得d酵母係室溫約15~18度左右自己發~
同大家分享下結果, 真係幾有趣~
首先將糖溶係熱水中, 跟住調暖d水, 再加入酵母,
一開始酵母都係溶晒係底無乜反應, 跟住兩個鐘左右(2hrs later)就呈現上圖狀態,
表面有少少小泡泡, 我以為溫度唔夠高, so反應麻麻, 於是我係下面墊一碟熱水,
一有熱水d酵母就即刻由下面衝到水面, 同時間好多泡泡, 呈現下圖狀態
接著觀察水面, 會不時有酵母係下面浮上水面, 放出一個泡泡又沉落底~
原來發酵就係咁一回事吧~
見到咁既狀態大概就安心去訓覺~
第二朝起身狀態如下: (10hrs later)
表面凝結既泡泡多左好多, 而且好多大泡泡, 聚成一塊咁浮係水面~
之後放工番黎d泡泡就無咁澎湃, 大約係22hrs later, 如下圖~
之後就繼續放任佢擺係度, d泡泡都逐潮減少~
哈~~感覺上好似同倩停搞個d培養基好似吧~或者我有研究呢個方向既興趣~
酵母真係好有趣, 真係feel到佢地既生命力~
試左test佢好幾次, 總算學到唔少~
好吧~~我又燃起想整麵包既慾望~
另外~我本身以為d發酵野既味道一定好臭,
但係出乎意料, 同平時發酵既味差唔多, 唔會特別臭或者有怪味~~
酵母們請繼續加油~~
唔准隨意死左~最好俾我用盡你地喇~
最近fair又開始, 心情又開始發酵, 很想再甜一點, 但是, 醉了, 也許更好.
上一篇:巨蛋牛奶麵包 (失敗版)
下一篇:奶油小餐包
燕燕你的酵母好玩d,我好討厭我d菌囉