鄭伊健果然係我o既偶像﹐就算係夢想都早我一步實現。不過估唔到我竟然同伊健有一樣o既夢想﹐就係成為船主。伊健早響兩個多月前成功考到“船長”同“大偈”兩個船牌﹐可以正式親自開船出海o架啦。伊健仲拿拿臨買o左隻“艇仔”獎勵自己。不過佢o個隻係非一般o既“艇仔”﹐伊健個新老婆仔叫Salpa Laver 25.5﹐隻船由頭到腳都係由意大利設計及製造。船長25.5尺﹐有兩個120匹o既引擎﹐每小時可行26海哩。雖然船身係細D﹐不過佢勝在有兩層﹐上層係駕駛艙﹐白色船身配白皮椅﹐船尾係半圓形o既座位﹐可容納八個人。下層係一房一廳﹐睡房有雙人大床﹐廳內有梳化﹐一個開化式小廚房﹐雪櫃﹐煮食爐。真係麻雀雖小﹐不過五臟區全。伊健不嬲係有眼光之人﹐果然揀遊艇亦都唔差。但價錢方面﹐對我o黎講都仲係天文數文﹐不過總有一日﹐我會儲夠本錢買返隻。一百萬o者。。。我唔信我一世都儲唔到。到時一定會約埋三五知己一齊出海。不過買船之前。。。我應該先考返個牌。