A

時：日
景：煙雨酒樓門外
人：斌、鐸、達、龍、佬、途人眾

△ 煙雨酒樓門外拉起「警察」膠條，圍欄外途人議論紛紛。
△ 斌帶領一干警察從警車出來直接走入酒樓。

B

時：日
景：煙雨酒樓門外
人：斌、鐸、達、龍、佬、軍警甲、侍應甲、乙

△ 斌等一干警察從門口入酒樓。
△ 酒樓大堂一片混亂，有幾人等企在一邊。
△ 梁得盛屍首伏在大堂電梯門口。
△ 軍警甲上前與斌接洽。
斌：（表明身份）我係中西區重案組陳國斌，而家乜嘢環境？
軍警甲：（匯報）陳sir，其他客人我哋已經疏散晒㗎嘞！呢幾個係目擊證人嚟㗎！
斌：（落命令）鐸叔、雷達，你哋負責睇吓現場環境，有啲乜嘢係可以攞返去做證物嘅，暴龍同細佬去同镧兩個目擊證人落口供，我睇吓嗰度（指楊屍）有乜嘢。
△ 鐸跟達四周圍留意大堂案發現場。
△ 龍跟佬首先去問侍應口供。
龍：當時你見到啲乜嘢呀？
侍應甲：（猶有餘悸）我……我見到有個人……攞支槍出嚟……
佬：（問侍應乙）你記唔記得嗰個人個樣呀？
侍應乙：（驚恐）男人囉！我唔知呀……
△ 斌細心留意梁屍體。
△ 鐸看完電梯口後向斌報告。
鐸：陳sir，個兇手乾淨俐落，應該係職業殺手。
斌：（點頭）鑑證科啲人嚟咗未呀？
鐸：嚟緊㗎嘞！陳sir，梁得盛話晒都有頭有面，邊個咁沙pot呢？
△ 斌面對光天化日下的冷血兇殺案，正在沉思。
△ 達的出現打斷斌的沉思。
達：（匯報）陳sir，鑑證科嗰邊啲人嚟咗。
△ 斌繼續指揮他們工作，慢慢effect過場。