三日冇upload,因為禮拜六日番工,太疲,所以唔寫,原本想尋日一野過寫番,但係呢度個死人server唔知做乜又down,搞到post唔到,另外,我寫呢度,並唔係用o黎做dairy,而係我每一日都會諗到D唔同既野,所以我諗深一層,既然o個日都過o左,補寫仲有咩意義呢?所以最終決定放棄!
好,可以開始今日既題目 - 處境
唔知大家有無覺得自你出世o個日開始,係就好似入左葡京,坐左落張大小檯咁,每一樣野你都係要揀,唔係大,就係小,你係唔會知究竟下一鋪開大定細,你淨係知道你贏同輸既結果!細個o個陣,你無得揀大小,因為乜都你老豆老母幫你楂晒弗,你無得say no!但隨住年紀漸長,好多野你老豆老母唔會再幫你楂晒弗,等你自己試下,呢件係一件好事,但問題係,你根本無足夠既資訊去幫你做決定,例如你根本唔知原來之前已經開左十八鋪大,你又傻下傻下咁買小,結果?大家都知,無需多講!
感情亦都係一樣,你都要選擇買大小(追晤追),買之前又要睇下之前個莊開乜(睇下你想追o個個鐘意D乜),又要用運黎博一博,再要睇下有無燈(睇下佢之前0個個衰乜),最後仲要分析落幾多注(俾幾多感情,時間,心機,金錢!無理由你會咁低能用$1750買個LV銀包送俾一個你應該追唔到既人o掛!),最後先等個莊揭盅你贏(追到),定輸(追唔到)!
所以感情在我來看,要成功只有一個方法,知已知彼,係全無技巧可言,而且仲要睇運,你無運,邊個都幫你唔到!你輸左,無得怨,鬼叫你要賭呀!
呢個世界係無長勝將軍o架,風水係會輪流轉,想永遠都贏?得,除左你係周星星啦!
但係咁其實仲有乜意思呢?