做演員，說容易也不容易，說困難也未算困難。從影14年的周家怡，以前當工作係娛樂，以為做演員只是導演叫到就畀個表情講句對白咁簡單。突如其來的一次頓悟，令佢感覺到原來演員唔易做，愈來愈渴望能有多點戲

分。但偏偏愈渴求、愈是未能得到「親生女」的名份，離巢似乎是唯一出路。在這「亂世」下轉投新公司，但一切仍是未知之數，為了不成電視台大戰間的炮灰，周家怡特意去修讀法律文憑，作兩手準備。

無後顧之憂
不說不知周家怡其實由Dancer做起，後來轉投藝員訓練班，轉眼間都已入行14年，一直都以「綠葉」身份在圈中打滾。周家怡笑說從沒不甘心，只有一直在告訴自己：「試多幾年先。」不過正所謂皇帝唔急太監急，愛女心切的老父就已靜靜為她的將來鋪路，想她在工餘時間修讀法律課程。「爸爸希望我能有張文憑，到將來想轉行都易啲。」法律高級文憑課程快將讀完，她自覺識多咗嘢，不過她卻笑說：「我覺得我翻唔到轉頭做文員㗎啦！而家有張文憑安心啲，咪擺住先囉。」
自編自導自演
即使花了3年去讀一個課程，但她仍然堅持要繼續「試」做演員。周家怡直言以前返工只係當玩，直到拍《金枝慾孽》遇上戚其義，先開始發現演戲要由心出發。「以前覺得做戲只係講對白，但係做咗幾年先知自己咩都唔識。當時就開始重新產生興趣，面對每個角色都會諗下佢背後嘅故事。」她笑說唔介意一直都做綠葉，只是想做個「有血有肉」 的角色。「真係無想過做女主角，因為由細到大都覺得係你就係你嘅。」
再見「大平台」
在無綫的日子，周家怡從來都係到時到候就乖乖簽約，直到去年王維基向她洽談簽經理人合約，家怡即時受寵若驚，但回到無綫傾約，公司只叫她繼續努力，做「親生女」仍然無望。「 其實如果舊公司能簽經理人合約，人工不變都無所謂，我只係想有多啲機會去試新嘢，有人幫忙計劃吓發展。」家怡又稱選擇離開，是因為機會很多時一瞬即逝。「因為依家有人搵，第時唔知仲會唔會有。」當紮花旦來又去，有辦你睇，肯捱就總會到你，爭在幾多年。

http://www.036562257.com/news_view.php?news_id=230