琴日去匯進女仔到打波,番黎之後就下網啦!去到港澳網睇下野.點知睇到有一個叫明星賽的貼紙.咁我就入去睇啦.我之前都有睇架啦,今次我再睇過陣發現我同亞霖都比人放左上台玩!咁我出去同亞霖講啦,佢話唔好理啦,有d人就係咁無聊架啦!我都係咁諗!點知今日起身再上去睇又有人留言啦,今次係一個叫(排球大口仔)的人留言,佢好明顯係講到幫我地咁!我就知道死硬啦!因為亞霖鐘意大口仔,我估實有一d人會覺得係我地留言的.剛剛係到諗時,亞水就icq問我大口仔係唔係我地!真係比我地估中左啦!咁我未同佢講囉話唔係!講真就算我地真係要留言都唔會用個名係人地估到係我地架啦!邊到會咁蠢呀!不過點都好啦!好似亞霖咁講由我人地點諗啦,我地都控制唔到架啦!不過我覺得d人真係好煩好白痴,我地又唔係乜乜大人物,咁都要搵我地黎玩!留言個個人一定係想玩我地架啦!最好笑就係*沂*朋友都有留言,係到真係要多謝佢啦!因為你留言只會攪到人地仲玩多我地幾次!哈哈!(玩下喳唔好嬲呀你!)不過無所謂啦!又唔洗死架!哈哈!過一排又無野架啦!呵呵^o^~~~

今日打左好大篇野比芬,希望佢會明白.比心機呀!一定去到架!加油呀!


poki
15/5/03