2016-07-02 23:46:26Sai ~
Aloha ~
置頂嘅 Hong Kong Kkaebsong 終於要退落嚟喇 !
辛苦你企喺嚟個位咁耐 (笑)
轉眼就過左兩年喇!
兩年都冇打過日記.......
已經唔可以叫日記,而係年記 (笑)
點解會係咁? 其一當然係因為自己懶 (掩臉)
主要嘅原因係自從投入社會,喺幼稚園做左四年人師,夜晚又要讀part-time degree
每日番工-->OT-->放工-->番學-->放學-->番到屋企啟動在家工作模式
日以繼夜,夜以繼日, 生活就只有工作
我開始唔知自己喺到做緊乜
工作量一年比一年倍增
四年嚟累積嘅壓力終於令我喺十一月徹底崩潰
放工排隊等緊上巴士,而眼淚就係突然自己流落嚟
好想忍住唔喊,因為真係好似傻婆 (好樣衰呀大佬, 大庭廣眾)
好可惜,眼淚完全冇停嘅意識 (可惡)
結果全程車都係淚流滿面 OMG
為隔離嘅乘客帶嚟困擾 (笑) , 致以萬二分歉意。
番到屋企坐低,已經想月尾就遞辭職信
因為連自己都唔明白自己做緊乜嘅時候
我覺得好可怕
當身心極疲憊,無端端喊,又持續負能量,做緊悲劇女主角嘅時候 (笑)
朋友就拉番我出嚟
係好老土嘅情節,但真係好慶幸識到佢地
所以而家已經七月喇,雖然工作,學業一直都係好忙碌
但我終於堅持到讀完part-time degree
亦都順利完成我喺幼稚園嘅第四年
(真係要痛哭流涕,然後跳高YEAH!)
而我亦將會喺下個月(八月尾) 同 粉紅色
大踏步展開泡菜之旅
Working Holiday 我嚟喇 !!!!!!!!!!!!!!
希望順利喺韓國渡過一年 體驗生活~~~~~
Good luck 夢想飛行 (笑)
---------------------------------------------------------
題外
上一年都有去睇 EXO 不過歲月不饒人
當時仍未到半五十嘅身體都已經唔講得笑
睇場演唱會都覺得好攰 黐線 (白眼無限反)
不過睇完同前年一樣大滿足 Zzang!