2013-07-07 19:25:22Sai ~
Childhood
When I was young I play SEGA and Nintendo
And I love sonic & mario
好慶幸自己有一個 Happy Childhood
因為天生就係孿毛仔 所以好易吸引人注意 (笑)
同埋老豆,媽咪分別喺自己兄弟姊妹中都係排行最細
所以我一出世就係兩邊家族入面輩份最低嘅塞豆窿
個個都好鍚我,咩都就晒我
萬千寵愛在一身 (笑)
亦係我人生唯一嘅輝煌時期 句號
細個嗰陣媽咪成日同我影相,紀錄住我人生嘅里程碑 (笑)
雖然 I LOVE WORKING (笑)
但難得今日冇任何 URGENT 工作需要聽日番工交
所以我可以悠閒地去睇舊相 懷緬光輝歲月
我發現
↓
初生 bb 真係好鬼核突
左面嗰張傳說係出世廿幾日嗰陣影
成隻「長頭老yeah」咁 ( 媽咪獨有形容詞 ,尾字發音一定係yeah,而不是野 )
膚色又未變 又紅又黑,然後又成嚿軟林林嘅物體咁 just like alien
( 媽媽的絲襪很 sexy )
然後右邊終於 transform 成 normal human 形態 (笑)
幾個月嗰陣影嘅所有相,我個表情都係受到嚴重驚嚇咁
張張都係眼珠就要跌出嚟嘅狀態
可能閃光燈帶嚟太大衝擊
另外 我又發現
無論
抑或係
定係坐喺媲美如黃河泥水上空嘅 CABLE CAR 凳到
同興奮到將要勒死粉紅兔嘅重要時刻
YO ! This is my standard smile (笑)
同一時間
我又發覺自己細個都已經好有性格地識得腐笑 ( 姑勿論媽咪將我個頭包成異國人 )
到左讀幼兒園嘅時刻 同樣開心到飛天
因為我去左媽咪做嘢嗰間幼兒園到讀書
加上細個又真係幾趣緻嘅關係 (笑)
再嚟多次萬千寵愛在一身
fall in love at first sight
this little boy was 插班生
某一日番到課室嗰陣,老師話有新同學,叫我同佢 SAY HELLO
當我轉身望佢嗰陣 OH MY GOD!
佢個樣好似狐狸 但係我好鍾意 (笑) 跟住就好開心咁互想打招呼
由於臨放學會有一段自由玩遊戲嘅時間
(小朋友會自己帶鍾意嘅玩具或者 BOARD , CARD GAMES 番去同同學仔玩)
我就永遠都充滿私心(笑)
一定會邀請狐狸小子同另一個好朋友同我一齊玩BOARD GAME
但當其他小朋友走埋嚟問可唔可以一齊玩嘅時候
我永遠都話無位 已經夠人 (但明明6個人玩都可以)
因為我只想同佢兩個獨處 (笑)
但每當我走去搵被我拒絕嘅小朋友 可唔可以受埋我玩嘅時候 佢地每次都會比我玩
我係一個壞女人........
再嚟長頭老YEAH 系列
由細到大,我個額頭都大到黐肺
又闊又高,得閒真係要度下有冇10CM
左下明顯頭大細身 右下好似西關大少,大額頭浪起隻大腳飲水
繼長頭老YEAH 系列後,
我慢慢演變成 諧星系.... (悲哀) FROM THIS
有咩辦法可以引到個甩牙妹笑成咁
同埋左面張作狀笑 真係想打死自己 (笑)