唔知由幾時開始~我擁有ge野越來越多~好自然有d就會比遺忘~
呢d野係身邊ge時候~你唔會太在意佢ge存在~但係如果佢突然唔見左~你就會想盡一切方法去搵返佢~
雖然係咁講~但係有d野係無左就無左~無論點做都唔會搵得返~

前日發生左件事~令我覺得唔開心同埋好嬲~
呢件事係我爹d掉左我一個白色ge熊仔公仔~聽起黎真係一件好小ge事~我好似唔應該嬲~
其實我一早就知仔公仔係隻腳爛~但係我一直都由佢放係到~因為我知如果比屋企人知~佢地會掉左我~我最嬲ge係點解佢唔問過我就掉左佢~
對其他人黎講~一隻咁ge爛公仔~都唔算係d咩~但係對我黎講~唔係咁lor~
我唔記得由幾時開始佢就陪住我~我只係記得以前每當我喊ge時候我都一定會攬住佢~當我喊完就會成個人都舒服晒~
除左咁之外我仲記得~係n年前媽咪話要掉左佢~我一直都唔比佢掉~媽咪就話等我唔係屋企時先掉~為左唔佢咁做~我決定帶埋佢返學~到我真係要帶佢出門口ge時候~媽咪終於屈服~話唔會掉佢~一直到前日終於都係比人掉左~
其實呢個對我黎講~佢唔止係一隻公仔咁簡單~佢係我ge回憶~所以佢係我珍惜ge野~就咁就無左我真係好唔開心~

我為呢件事嬲左我爹d~我越嬲佢我個心就越痛~我知佢係好心想幫我洗隻公仔~但係佢將隻公仔掉左呢個係鐵一般ge事實~其實都幾矛盾~係呢件事發生之前~我有幾日都無同佢講過野~之後發生呢件事~我更加唔想同佢講野~
琴日佢放工返黎~好似無事發生過咁黎同我講野~我唔想同佢講野~我唔想同佢有任何溝~係因為我怕~我怕自己會因為嬲佢而講一d好難聽ge說話傷到佢~因為我知我今次係真心咁嬲~唔係玩係好認真~
我知媽咪同爹d講我嬲左佢~所以佢想補飛~做d野出黎要我原諒佢~但係佢d咩都好我都無辦法原諒佢~越係嬲我就越難受~
直到今朝佢放工返黎~我同呀哥都未訓~佢入黎問我野~
佢問我"一齊北上"
我黎佢"唔去"
我呀哥同佢講~"人地未嬲完"~
爹d就話"嬲咩姐~遲d見到咪買返比你lor"
我答佢"買返都唔一樣嫁~總之你掉左就係你唔岩"
佢又話"咁我諗住幫你洗之麻...(整爛ge過程)點知佢會整爛姐~咁爛左咪掉左佢lor"
我話"唔駛講~唔聽~好嬲~走開"
佢拎左我個杯出左去~之後又入返黎~拎左杯比我~
我呀哥話"人地都針荼認錯啦~你咪算lor"
我無出聲~
爹d話"係勒~係勒~怕左你勒~我唔岩勒"
我無講d咩~只係哼左一聲~之後望住佢笑~
之後佢就出黎去lu~就係咁我決定唔再嬲佢~其實係佢未返之前我已經無嬲勒~不過係唔想同佢講野姐~咁佢都知佢唔岩啦~咁我咪算lor~
唉~就算咩都唔做~佢返完大陸落黎~我都會當無事嫁勒~因為嬲一個自己在乎ge人~係好辛苦ge事~
直到今日呢件事已經告一段落勒~太好勒~
而家佢同呀哥一齊左返大陸lu~哈哈~而家d風都唔係好大~應該吹唔走佢地ge~出門口ge時候我叫呀哥睇住爹d~嗯~應該無事ge~