今早本來約了William媽，帶她去見一位有名的中醫師。我換好衫等着出門，忽然電話來，她說由於時間未安排好，不用我陪了，我極之失望，呆看着電腦……

不久，William打俾我，想約我外出，但要先陪James去機場，他先回紐約。
我口快快話送佢地去機場，之後飛車去了太子。

James行李只得一個箱，Oh!好蕭灑！送完佢後，James媽、豆腐阿姨、William和我回東涌。在東涌泊低架車，一行四人坐車去寶蓮寺，車上我和William好好傾，沿途風景好靚又驚險！

落車後，豆腐阿姨話我和William兩人自由活動不用陪她們。我倆漫步上大佛，好大風好大霧但風景好正！到大佛腳，看着宏遠的風景，雲霧由山谷下一湧而上，有如萬馬奔騰。大食西北風，人也站不住腳，肚仔餓了，下山到昂平集古村找食物，可惜！無野食！在快要餓死之際，豆腐阿姨出現，話夠鐘下山。

下！我餓死了！食D嘢得嗎？無得食，扁晒咀上車！車上William不斷叫我唔好唸食物，又話我似細路女，你試下餓足8個鐘，唔喊才怪！

落車前豆腐阿姨又開通地說，她倆自己坐車，我地二人自己去wet，哈！多民主的老人家。

我和William決定去食日本菜和行街街！由東涌開車回家泊車，再漫步出太子。
很愉快的一晚，有講有笑，估不到第三天見面竟會咁熟。他向我分享了他的愛情經歷，純情到不得了，26歲才初戀，現在才拍過第3個，好乖仔啊！

行行下落起雨來，他都有紳士風度幫我揸傘，但太高唔習慣！

行到夜，我要送佢回家，他唔識路也。好彩他隨後也有call me問候下！
我今日真係好開心呀！！！！！！