圖：王孟婷

  我有兩个熱心傳平安圖的Line群組，高中同學組逐日攏有骨力的人相借問。主要是分享別人的，抑是用網路「圖庫」的圖；少少部份用家己翕的相片，花、山水、雲、樹仔等等。面頂除了祝福的詞，也有人生金句、心靈小語。一位同學規年迵天四界旅行，以前分享世界各國的風景，這陣是台灣頭台灣尾的。遮爾勇健，予人足欣羡。有一位同學學會曉做AI動畫，所以伊的圖攏足活潑，海鳥配合音樂飛上飛落，葫蘆邊仔有蜜蜂嗡嗡嗡，連同學做伙食飯翕的相，伊也共加工；八九个老歲仔同齊徛起來搖搖擺擺，看著足好笑！毋過，一个少年家講：「真恐怖！」按呢講嘛無毋著，一陣老太太聽著音樂，雄雄徛起來跳舞，有的人本來囥（khǹg，放）佇身軀邊的雨傘枴仔也「浮」起來綴（tuè，跟）咧搖！

另外一个群組是捌鬥陣學畫圖、寫大字的＜拜四團＞。佇遮分享的，除了旅行的相片，也有家己畫的圖和寫的毛筆字。

我貧惰，收著人的祝福，除了一半擺呵咾一句以外，罕得回應，有時就回一个貼圖，表示我看著矣。

頂日一時感覺家己有較冷淡，問一位高中同學你哪有遐爾濟相片通寄？伊講出門看著佮意的風景，就趕緊翕起來。路邊的鹽酸仔草（酢醬草）開花，嘛隨向落去翕。

我無隨時翕相的習慣，嘛無遐爾用心。翻頭想，我電腦內的圖和相片數量歹算，聽好（thìng-hó，正好，大可）提來做平安圖。一方面我家己會當複習前後十冬學習的成果，一方面也會當「逼」朋友來看我的作品，分享共同的回憶。

我先寄《Life》雜誌封面瑪麗蓮夢露做的平安圖，講雜誌是古早美國筆友寄予我的。作家朋友驚一趒，講筆友！問我哪有遮爾浪漫的過去？我講英文老師鼓勵阮交外國筆友，練習英文，小增加國際觀。

1960年代，對高中學生來講，寫航空批是大代誌，為著欲省郵票，阮用薄薄的聖經紙，批寫好，批囊仔地址寫好，去郵局秤看有幾公克，買郵票來貼。寄出去了後，過一禮拜就開始向望會收著回批；一張批毋知經過兩个國家幾雙手才到位。這个年頭有網路，通消息一秒鐘就到；莫怪講著筆友，予人目睭擘（peh，睜）大大蕊。一位序細講彼是「翼龍猶佇天頂飛的年代」才有的代誌。

彼位美國筆友逐期《Life》看過，就航空寄予我。這陣佇台北猶有十外本；一遍我去和大學生分享我的文學養分，就紮幾本去。

另外一張《Life》封面是披頭四，我寫一句Let It Be的歌詞，祝逐家順其自然；無好的代誌，就隨在伊去。

文青的年代，我中意聽的是古典音樂，以當時的環境，曲盤真稀罕，有收音機就愛偷笑；我逐禮拜日要緊欲聽的是古典音樂欣賞和歌劇選曲，並無興聽披頭四；阮較熟似的是貓王Elvis Presley。

到我兩个後生讀中學，厝內才有pinpiànn叫的搖滾樂，做爸母的嘛著不時綴（tuè，跟）咧聽。奇怪的是囡仔愛看歌仔戲的外媽來，竟然講真好聽！

下課就tsiúnn（守）佇巷仔口唱片行的大囝講，對Rock 'n' R oll，伊比老板捌（bat，懂）較濟，啥人唱啥歌，排行榜第幾名，老板攏著問伊；甚至講我若好好仔佮伊學，會變做台灣第二个上捌搖滾樂的媽媽。我刁故意問伊，哪是第二名？第一名是啥人。「當然是陶曉清啊。」

我佇厝內攄塗跤（拖地板）的時，也會放囡仔的曲盤；彼款快節奏會提升摒掃做體力工課的元氣。不過，塗跤攄好，坐佇地板歇喘，就換曲盤，放古典音樂。

 我有兩个熱心傳平安圖的Line群組，高中同學組逐日攏有骨力的人相借問。主要是分享別人的，抑是用網路「圖庫」的圖；少少部份用家己翕的相片，花、山水、雲、樹仔等等。面頂除了祝福的詞，也有人生金句、心靈小語。一位同學規年迵天四界旅行，以前分享世界各國的風景，這陣是台灣頭台灣尾的。遮爾勇健，予人足欣羡。有一位同學學會曉做AI動畫，所以伊的圖攏足活潑，海鳥配合音樂飛上飛落，葫蘆邊仔有蜜蜂嗡嗡嗡，連同學做伙食飯翕的相，伊也共加工；八九个老歲仔同齊徛起來搖搖擺擺，看著足好笑！毋過，一个少年家講：「真恐怖！」按呢講嘛無毋著，一陣老太太聽著音樂，雄雄徛起來跳舞，有的人本來囥（khǹg，放）佇身軀邊的雨傘枴仔也「浮」起來綴（tuè，跟）咧搖！

另外一个群組是捌鬥陣學畫圖、寫大字的＜拜四團＞。佇遮分享的，除了旅行的相片，也有家己畫的圖和寫的毛筆字。

我貧惰，收著人的祝福，除了一半擺呵咾一句以外，罕得回應，有時就回一个貼圖，表示我看著矣。

頂日一時感覺家己有較冷淡，問一位高中同學你哪有遐爾濟相片通寄？伊講出門看著佮意的風景，就趕緊翕起來。路邊的鹽酸仔草（酢醬草）開花，嘛隨向落去翕。

我無隨時翕相的習慣，嘛無遐爾用心。翻頭想，我電腦內的圖和相片數量歹算，聽好（thìng-hó，正好，大可）提來做平安圖。一方面我家己會當複習前後十冬學習的成果，一方面也會當「逼」朋友來看我的作品，分享共同的回憶。

我先寄《Life》雜誌封面瑪麗蓮夢露做的平安圖，講雜誌是古早美國筆友寄予我的。作家朋友驚一趒，講筆友！問我哪有遮爾浪漫的過去？我講英文老師鼓勵阮交外國筆友，練習英文，小增加國際觀。

1960年代，對高中學生來講，寫航空批是大代誌，為著欲省郵票，阮用薄薄的聖經紙，批寫好，批囊仔地址寫好，去郵局秤看有幾公克，買郵票來貼。寄出去了後，過一禮拜就開始向望會收著回批；一張批毋知經過兩个國家幾雙手才到位。這个年頭有網路，通消息一秒鐘就到；莫怪講著筆友，予人目睭擘（peh，睜）大大蕊。一位序細講彼是「翼龍猶佇天頂飛的年代」才有的代誌。

彼位美國筆友逐期《Life》看過，就航空寄予我。這陣佇台北猶有十外本；一遍我去和大學生分享我的文學養分，就紮幾本去。

另外一張《Life》封面是披頭四，我寫一句Let It Be的歌詞，祝逐家順其自然；無好的代誌，就隨在伊去。

文青的年代，我中意聽的是古典音樂，以當時的環境，曲盤真稀罕，有收音機就愛偷笑；我逐禮拜日要緊欲聽的是古典音樂欣賞和歌劇選曲，並無興聽披頭四；阮較熟似的是貓王Elvis Presley。

到我兩个後生讀中學，厝內才有pinpiànn叫的搖滾樂，做爸母的嘛著不時綴（tuè，跟）咧聽。奇怪的是囡仔愛看歌仔戲的外媽來，竟然講真好聽！

下課就tsiúnn（守）佇巷仔口唱片行的大囝講，對Rock 'n' R oll，伊比老板捌（bat，懂）較濟，啥人唱啥歌，排行榜第幾名，老板攏著問伊；甚至講我若好好仔佮伊學，會變做台灣第二个上捌搖滾樂的媽媽。我刁故意問伊，哪是第二名？第一名是啥人。「當然是陶曉清啊。」

我佇厝內攄塗跤（拖地板）的時，也會放囡仔的曲盤；彼款快節奏會提升摒掃做體力工課的元氣。不過，塗跤攄好，坐佇地板歇喘，就換曲盤，放古典音樂。

紲落去，我寄一張用甲骨文寫的「無事」。甲骨文是根據作家馬國光（亮軒）「乙卯歲杪」相送的《萬象》寫；乙卯1975年到今超過半世紀矣！彼當時，收著冊，讀亮軒寫的序文，了解龜殼、牛骨頂象形文字的故事，就共收起來。毋知經過偌濟年，才閣提起來讀，感覺遐的字真趣味，真有意義，就綴咧練寫毛筆字，前後對頭到尾寫兩三遍。愈寫愈有興趣，就選字形媠、意思明白簡單的字來寫，可比「自來自去」、「相見亦無事」，順紲畫兩筆抽象畫。一遍我寫「無事」兩字（舞通無），閣畫兩个老歲仔對坐啉茶的圖；老人是一筆畫，茶甌仔我用紅色的。家己感覺真讚，分享到一个群組，問𪜶（in，他們）看會出我畫的是啥無？

𪜶的答覆予我足失望。

毋甘願，傳到第二个群組。𪜶的解讀才是我欲表達的意思。

𪜶的理解是：閒閒無代誌，兩位老大人對坐，啉茶抑啉酒。

我翻頭去第一个群組埋怨，哪會共遮爾有意境的圖看做尻川（屁股）抑是鼻仔！頭前明明有兩个紅色的茶甌仔啊。紅茶甌仔呼應兩粒紅色的印仔，毋是真巧？印仔是群組內一位才女刻的呢。講我的圖「親像鼻、鼻空是紅的」彼位喝冤枉：「我是予新冠肺炎害的，鼻空紅紅，想講是用檢採枝（快篩劑）揬（tu̍h，戳）過。閣再看，也若像尻川。」

好佳哉有一位講：「早起我看著的是一對新郎新娘對拜啉交杯酒，毋過一下無閒就袂記得回覆。既然兩字甲骨文是『無事』，我的解讀是閒閒無代誌，就來去結婚矣！」

這陣，佇這幅字頂頭寫「無事就是好事」，就變做一幅平安圖。

有一站，我佇創意班上課；這个課，毋是寫生，毋是模仿；愛家己激頭腦，烏白想；所以、紅目樹蛤仔 （紅眼樹蛙）、五色鳥、砂馬仔 (招潮蟹)、刺毛仔蟲，逐家的作業攏無相𫝛（sio-siāng，相同）。我若分享這款圖，著愛說明彼是畫啥。一張跳舞女子是剺紙（lì tsuá，撕紙） 來貼的，一个朋友呵咾，叫我毋通直直看連續劇，傷目睭；不如三不五時閣再做這款手工。我叫伊看下面我簽的2017；以前做會到的，這陣無一定做會到矣。毋是能力，主要是年紀無仝，心情無仝，也無交作業的壓力。

一張鴕鳥是和創意班幾个畫友佇「暖時光」畫的；彼陣，阮會揣有特色建築抑是好風景的咖啡廳，做伙去食早午餐兼畫圖；寫生抑是看相片畫隨在人。看著這張鴕鳥，我就想著彼幾位好朋友和藝術的時光。

用水墨圖來共朋友講𠢕早（gâu-tsá）時，想起我捌問老師，是按怎現代人畫的山水圖，內面的人也穿長衫、縛頭摠？

老師講，「客廳若掛一幅山水圖，看古早人佇遐遊山玩水、行棋、彈琴、佇簾簷跤讀冊，心情敢毋是會較寧靜？」

老師閣講，「畫中人上好淡薄仔痀痀 （ku-ku，駝背），按呢較文氣。」

如今，我也來到彼種「文氣」的境界矣！

一張風景是我所有水彩內面畫了上紲拍的，學期結朿，班長「拜託」我參加成果展，我講號做「風景」的圖幾若張矣！伊想一下，隨講來題名《偶遇》。這讚！無意中拄著（tú，遇見）人，拄著雲，拄著樹仔，拄著風……。

聽我按呢講，伊也愈想愈滿意，喙內唸：「『偶遇』，芋圓，喔咿，喔咿～～」

用來做平安圖的、也有無意中拄著的。熱天，看豆油膏淋佇豆腐頂頭敢若抽象畫，隨手翕起來；這馬（tsit-má，現在 ），我共寫法文bon appétit，講好胃口，心涼脾肚開！閣相送一首金曲獎女歌手李竺芯法語腔的台語歌：足芳、足芳、足芳！

逐張圖我攏用心做，做甲足歡喜，畢竟創作是快樂的代誌。雖然寄予朋友，無一定會得著反應；這嘛真自然，自來逐家慣勢恬恬。

一遍，拜四團食飯，我意外得著一个禮物；阿貴送我一幅框好的32開水彩小品。逐家欣羨，喝無公平，是按怎kan-na（只）我有？阿貴講彼幅圖分享佇Line時，只有我誠心呵咾。有的人凡勢連是伊畫的都無看出來。

2026/8/12《自由時報》副刋