2008-12-02 14:06:39幸福小惡女
1/12風聲鶴唳之百分之七
百分之七，好似唔係好多，但對於今日公司要裁二百一十二人嚟講，呢個數字絕對唔少。
每個人，都今日唔知今日事的情況下返工，而我更加一返工，第一時間去咗睇公司醫生睇咗痛到就死的喉嚨先，萬一真係不幸被裁，咪醫療福利都無埋！
上到office，氣氛何奇平靜．．．．．愈係咁愈恐佈．．．唔知幾時會收到通知．．．
Lunch之前，就收到消息，有識得的人被裁，裁中的同事喊，有啲女仔都喊埋．．．我都唔識講咩好．．．之後admin的同事見佢地喊到眼腫，就講比我地知，我地部門要通知的都通知咗，好在的係，原本要裁七個，但有三個自然流失，佔咗三個位，唔係可能有更多不幸的人。
自己雖然能夠被過一劫，不過心情都唔好得去邊。不過與此同時，我亦都即刻同Super請新年假，不過佢只係比我請一月，二月唔得．．．即係我去唔成東北了．．．二月唔去，就唯有下年啦！
放工即刻同家姐去報埋新年同屋企人一齊去的旅行團！終於有返啲心情啦！
又病又水腫，腫到有三眼皮．．．好似浮屍．．．
上一篇：28/1人心惶惶