2008-07-25 15:46:38幸福小惡女
15/7阿咩嚟架之十天玩樂探友精華遊（３）
尋日玩左十四個鐘，好累！不過今日行程係去Las Vegas，由酒店出發去要四個鐘車程，所以可以休息下，差下電！到Las Vegas之前，有一個中途站，呢度有間外型好似火車的麥記。
除左麥記，呢度入面仲有少少商店，有好多得意的糖賣！
醫飽個肚又再出發，坐多個多小時就到左第一個賭城！呢度的酒店真係唔可以同澳門比，好多間都有主題，有城堡，有巴黎鐵塔，有金字塔,仲有過山車包圍住，各色其色！
而到左呢度我地行程就係Shopping，先去M&M’s World，估唔到自己會買到咁多野，之後再去可口可樂專門店，見到北極熊呀！
呢度本來有好多有特色可樂樽，但係實在係帶唔到走，所以住買。
去完呢度，再去附近的一個outlet，我喺香港時候已經做足功課，好有目的咁知道要睇邊間舖，可惜Jason比花多眼輚的店迷惑左，攪到我少左唔少時間血拼！但係行程只係比得三個鐘，又真係唔夠．．．最後發現Jason好似收獲多過我喎！
買左咁多野係時候返酒店放低行李，我地住的酒店就係一個塔型的，塔頭有跳樓機同過山車一間，領隊同我地講，一間成功的酒店你會發現，你無論用邊個入口進入，都必定會經過Casino，而除左Casino之外，係無位坐，有位坐的就係老虎機前，由於所有路都經，小朋友都不能避免，不過二十一歲以下人士係唔可以喺呢度位置停留，即係佢地無地企！必需要行下走下先得！
之後我地一團人去食中菜,到差不多尾聲之際，見到領隊準備左個生日蛋糕，原來係隊中有個小朋友生日，初時以為係個小朋友的爸爸搵人準備，後來先知而家的旅行社細心到有團友生日都會送埋蛋糕，真係識得做生意！
之後我地一團人去食中菜,到差不多尾聲之際，見到領隊準備左個生日蛋糕，原來係隊中有個小朋友生日，初時以為係個小朋友的爸爸搵人準備，後來先知而家的旅行社細心到有團友生日都會送埋蛋糕，真係識得做生意！
我地仲有個夜遊節目，就係睇下夜晚的Las Vegas，同日頭果然好唔同，五光十色，
我地仲去埋downtown的賭城,度為左吸引返多D人去賭,多唔少錢去renew，呢個天幕表演就係其中一個，有幾條街咁長的天幕，好勁！
睇完街頭Show，我地就自費去睇左場叫＜Julibee＞的百老匯歌舞Show！場景真係幾正，而且仲有啲無上裝女仔跳舞添！不過之前有同事介紹我睇的Blue Man Group睇到介紹片好似都幾好睇，不過無時間再睇了．．．
睇完Show，同另外兩個團友坐的士返酒店，呢度的士真係好貴，起標都三個幾美金，我地返酒店的路只係一條直路，都坐左十幾蚊．．．好耐四個人分都唔係好貴咋！但係都叫體驗過呢度坐的士，五人坐位乾淨闊落！
睇完街頭Show，我地就自費去睇左場叫＜Julibee＞的百老匯歌舞Show！場景真係幾正，而且仲有啲無上裝女仔跳舞添！不過之前有同事介紹我睇的Blue Man Group睇到介紹片好似都幾好睇，不過無時間再睇了．．．
睇完Show，同另外兩個團友坐的士返酒店，呢度的士真係好貴，起標都三個幾美金，我地返酒店的路只係一條直路，都坐左十幾蚊．．．好耐四個人分都唔係好貴咋！但係都叫體驗過呢度坐的士，五人坐位乾淨闊落！
臨上酒店之前，我地行左去附近油站的Circle K買drink，估唔到賭城的便利店都有老虎機．．．好賭之人好難唔比佢吸乾吸淨！