2008-07-25 15:09:44幸福小惡女
14/7阿咩嚟架之十天玩樂探友精華遊（２）
由於我地的酒店係好近迪士尼，酒店亦有專車來往，不過我地跟團就仲有個特別待遇，就係加開八點半第一班車比我地過去。
真係美國的迪士尼好期待呀！不過呢度有新舊兩個，我地先玩個舊的，舊的部份其實同香港差唔多，不過有的game當然多好多啦！我終於都玩到佢地嘅鬼屋啦，多年前聽家姐去完日本話我知好正，過左咁多年我終於親眼見到同玩到，仲有好多個香港無的Game！
玩完個舊的就先過去玩個新的加州迪士尼，呢邊機動遊戲就刺激,不過其實都唔算好刺激，而領隊就極力推介一個Game我地一定要玩，叫做「飛越加州」，固名思意只係得呢一間迪士尼先有，呢個Game的賣點，唔係刺激而係像真，佢可以做到個感覺係你飄飄下，好似坐緊滑翔傘咁，初時我都同自己講係一個game，不過當你睇住一望無際的片段，你自自然然會代入左，好似自己飛緊咁，好正！好正！
呢個迪士尼好大好多影相位.
但唯一不足的就係紀念品的設計，此終唔及日本的精美，本來我預左會買唔停，但係最後都唔算買左好多野。
除左呢兩個樂園的部份，仲有一個Disney Town，當然係一條商店街，都有迪士尼野賣，仲有其他舖頭，而之前睇過介紹，呢度有間Lego專門店一定要睇，我都買到少少野！
坐返單軌車返返仕去迪士尼，係時候睇表演，我地只係睇得一個，就係pixar的主題遊行，可能呢邊天氣熱，同埋外國人又無咩所謂，佢地花車噴水的程度係令我中左無數次，兜口兜面都仲左幾次，無得避，唉！相機都濕埋，好在天氣夠乾燥，好快就蒸發左。
玩下食下，好快就到夜晚，水幕表演係必睇，估唔到人多得咁緊要，有人係兩三個鐘前霸位，我地只可以係企係幾陣人牆之後，不過都睇得清楚。睇完呢個轉個頭又要即刻快快步過返去見公主城堡睇煙花，呢個煙花表演同香港都有D唔同，煙花都靚好多！多花款！
睇完煙花我地仲未走，再爭取時間玩多樣野同埋行多幾間商店，最後衝刺！
睇完煙花我地仲未走，再爭取時間玩多樣野同埋行多幾間商店，最後衝刺！
由於酒店最後一班接駁巴係十一點十五分，我地無得玩到十二點關門，不過我地去到車站，都撞唔到其他團友，哈哈！我諗無人可以好似我地咁，迪士尼玩左十四個鐘呀！哈哈！腳好酸軟呀！