2008-07-25 12:21:23幸福小惡女
11/3最夜的一晚收工
今日正式的開工時間係今晚六點半，地點係尖咀某酒店，有一間名筆公司舉行左一個晚宴，我地目標人物只得一個，就係古巨基，但係．．．佢除左到場時簽左名之外，因為唔夠Shot，所以要等佢喺夜宴表演環節再拍多幾個shot，但係呢間公司實在太奸啦！為左留住啲記者，將表演環節安排到最後，要我地睇住人地食野．．．雖然喺酒店另一個地方準備左小小野食招代傳媒，不過其他文字傳媒又點會同你咁等，只有我地兩三個電子傳媒先要咁等法，導演都話，都未試過要等到成個宴會完呀！
等呀．．．等．．．
等呀．．．等．．．
十點幾終於唱歌，就係呢一首＜歡樂今宵＞，我地要十一點先走得．．．
不過拍完仲要即刻返公司寫同剪喎！好在為左爭取時間大家可以快啲走人，喺酒店等緊其間，我已經寫好，返到去一邊打返出嚟，導演一邊剪埋，好快就攪掂，而我仲第一次坐到公司過左十二點之後先有嘅出旺角巴士。
點知出到旺角落大雨，行幾條街先去到朗豪坊，坐Van返荃灣，但係愈落愈大雨，去到葵芳就落車轉的士直返屋企，好在即刻有車，因為一上車就大雨到不得了，完全睇唔到路，又行晒雷閃晒電添！我都算好彩了！
不過拍完仲要即刻返公司寫同剪喎！好在為左爭取時間大家可以快啲走人，喺酒店等緊其間，我已經寫好，返到去一邊打返出嚟，導演一邊剪埋，好快就攪掂，而我仲第一次坐到公司過左十二點之後先有嘅出旺角巴士。
點知出到旺角落大雨，行幾條街先去到朗豪坊，坐Van返荃灣，但係愈落愈大雨，去到葵芳就落車轉的士直返屋企，好在即刻有車，因為一上車就大雨到不得了，完全睇唔到路，又行晒雷閃晒電添！我都算好彩了！
上一篇：10/7仲有三日
下一篇：12/7睇狗狗，好開心！