2006-07-07 14:31:13暗虫

最後便真係最後 絕句便是絕句 嘿嘿嘿嘿嘿嘿

記得小弟有篇文<<最後一次到法蘭西公幹>>, 個名好似係咁.
well. 真係最後一次, 三月個次無經過法國.
今日, 2006年7月8日, 就係小弟最後一次係呢間廠, 呢個地方工作.
呵呵, 從前快樂既日子早已經過左兩年.
剩下遺言一句, ”祝大家好運啦! the force be with you! ”

最後呢兩晚係度訓, 勁失眠. 好耐無試過咁既心情.
好期待去籌備D新既野, 好想快D到下兩個星期, 安排我從未安排過既生活.
唔記得前文有無提過, 我可以搵下D成兩三年無見,
偶然會ICQ講兩句既朋友仔... ...

由於我正處於黃昏之期, 實在無乜野做, 百無聊乃之下寫左好多篇野.
結論係咩? 呢期我係文化人咯 ? 所以隻手攰到fly 起, 唔多想icq.
至於<某天的二月十四>呢, 係取材自forum 既.
有無下集呢 ? 真係要聽天由命了. 皆因我懶.

係cp1897訂既書, 上個星期終於拎左, 呢個禮拜睇完了.
我既感想係, 錯過既人, 睇過呢本書會有好深既感受.
又或者咁講, 如果呢本書我早兩三年前睇, 未必會令我輸少左錢.
有d經歷, 無既話係好難體會.
書裡面提到, 唔破過產兩次, 唔稱得上投機者. 好似好荒謬, 但我好同意.
至於點解喎... 當你試過痴住部機, 輸到你乜都無, 你就會明了~
如果簡單D, 只能稱之為經驗了~
小弟非常淺薄, 唯一想提醒大家既係, <借錢既賭博唔好掂>.

今日, 有人向我告解, 有時都覺得自己好似神父,
直情想同佢講, <世人都有錯. >.
本來, 我想找番一位網友既辛酸史比佢睇,
好遺憾, 搵左好耐都搵唔到, 我只有繼續打機了... ...

失業之後, 我將會有兩個星期假. 發夢都諗唔到我今年做大掃除.
我已經plan 好要搵d 咩fd 食飯啦, spend 幾多時間睇下書同煮下飯.
希望, 呢段時間既財力夠照啦, 要食少兩杯雪糕了... ...
so far, 正路既工都無覆過我, 睇來我都注定要撈偏了.
咁今年呢, 就要去泰國一趟, 拜下四面佛, 不過要還神... ...

睇番D FORUM, 原來LASER 除胳甩底毛要成兩皮野, 做女人真係慘~