琴日,
真係令我火爆十分~!

我可以話,
係我第一次咁惡去話一個唔識o既人,
又唔可以話惡,
係大聲左d去指責佢o既不當行為!

anyway,
事情就係咁o既...

我去左jusco買左A le樣物品,
咁我碌卡啦~
而我張卡係aeon,
係jusco出o既,
因為我個張係臨時卡,
只可以係jusco買野用得著,
其他商戶係no o既!

咁我用張臨時卡係jusco碌黎買野啦~

點知個收銀同我講過左期,
仲指住畀我睇.

"小姐,過左期wor~"

"下?個日期就係我出卡個日黎個wor~"

"咁我幫你問下上面啦~"

因為上一層就係aeon櫃台.

個收銀問le個,又問果個,
搞左成個幾字,
都未問到,
最後,
有個ar姐(睇黎話得事個隻),
一睇就知.

"用得架,用得架~"

"小姐,唔好意思,係用得架~"

咁個收銀先碌我張臨時卡,
仲講左幾句唔好意思.

我有d唔係咁高興架~
其一阻我時間,
其二冇理由咁架嘛~
張卡我前兩日出,
個aeon職員仲同我講,
用住臨時卡都得.

何況,
張卡碌到囉~
好明顯係work架下.

咁都算啦~
小誤會.

所以我都冇出過d咩聲~

但之後就...

咁我再係jusco買左B le樣野啦~
咁我ar媽咁啱放工係附近,
咪同我去買B囉~

到左去畀錢,
個收銀又話過期,
仲好冇禮貌,
係極度冇禮貌呀下!!!

"你張卡過左期WOR~"

"又過期?我頭先先係個邊用過,用到個WOR~"

"咁個卡日期係過左丫嘛!"

"頭先我係個邊碌,個職員都係話我張卡有問題,但問左職員,話用到架!"

"都話過左期lor"

咩態度呀?!

"咁你唔信咪打上去aeon問囉!!!!!"

咁佢就打啦~

但打左幾次都唔通,
佢仲要惡到"cup"線重打個下"cup"聲,
係"boom!""boom!"聲架~
大到想打爆機一樣囉~
我真係睇到眼"突"~

咩員工黎架~
(佢係一個ar姐款咁o既員工,睇落4x歲左右啦~)

"打唔到呀!你等陣啦!我叫緊我"大家姐"黎呀!!

大家留意,係"大家姐"呀下!
我就睇佢有幾大.

等緊個時,
我ar媽話...

"我畀住先啦~"
(好明顯係想就咁算~唔好噪個隻)

但我唔得囉~
我做乜要受佢個條蛋散氣先?!
你好禮貌就話o者~
我最by有禮貌o既人~
但係衣家以"大家姐"嚇我囉~

我即刻話"唔得!!"

我ar媽係嚇左嚇架下~(我諗起都覺得幾好笑~)

好啦~
"大家姐"黎左啦~
(咪又一係一個jusco ar姐款職員之嘛~).

佢睇睇張卡.

"小姐,張卡過左期wor~"

頂!又要我重覆.

"我都話咯!我頭先係個邊都有用le張卡,係用到架~
頭先個職員都係好似你地咁,仲左我成個幾字時間,
最後都係用到架!!!!!"

我已經火爆到聲調都開始大,
排隊d人都開始望望望.

"咁張卡真係寫住過期wor~"

"咁我點知呀?!又唔係我寫,總之係用到o既!你唔信就打上去問!!!!"

"le d野唔關我地事bor,你自己去問啦!!"

"咩話???頭先個職員都打上去問啦!你地打去問唔得架?"

何況你地有兩個人,
一個收銀就話o者~
咁另一個企左係度,
咁就打電話啦~

佢兩條蛋散"吱吱沉""吱吱沉"一輪.

我聽到個"大家姐"話,
"咪碌黎睇下得唔得囉~"

咁個收銀就開始將物品過機啦~

個收銀竟然話......

"咦?!碌到wor?!~!"

我真係想"come"佢幾把,
獎勵佢呀下~

最後証明我張卡係work到不得了個囉~

佢兩個亦都冇聲出.死狗曬!

講真,
我真係好嬲下架~
咩叫唔關你事呀?
咁兩間公事合作,
咁你地員工就係關你地事啦?!
唔知就去問,一句唔關事大曬呀?
仲叫我自己搞掂,
咁洗乜請你呀?

服務態度十級差呀下~