今朝俾鬧鐘嘈醒o果陣，由於右腳腳痺，結果失去平衡，意外右腳跌落地下，好在只係膝蓋擦傷。

去九龍城做義工，陪一大班長者去旅行。

壽桃牌硬銷站，困獸竇式Hard Sell，叫做好在每人有一個免費o既瑤柱麵。

Lunch@流浮山歡樂，一人有一隻鮮鮑，幾好味~
白灼蝦都算新鮮，完全唔見仙遊o既蝦。
蒸茄子放到好似聖子，好香咸魚味。
白切雞都幾大隻，不過就切到要自行再分件。
西芹炒雞柳，但o的雞柳只係雪雞肉。

之後去o左挪亞方舟，睇o左方舟花園、方舟多媒體博覽館、方舟生命教育館同方舟珍愛地球館，不過可以話無咩特別。

o係Haagen-Dazs食新味：熱情果軟心朱古力芝士單球雪糕~

其實，已經食唔到芝士味 =.="""
熱情果香得o黎帶酸味，同朱古力粒Mix and match後，反而清新得o黎又過癮~
不過，如果大球o的就好lu‥‥‥

Dinner@KFC，狂惹滋味套餐：狂惹香燒雞上脾+下脾+葡撻+大磨菇飯+Light Persi，HK$29.8。

狂惹香燒雞食落，其實係蜜蜜燒雞翼o既雞脾版，一樣好多蜜糖，又有微辣；不過件下脾細得好緊要，所以唔抵食。