422越南製造加工出口正式出通告後，今日反而回吐，應該真係炒過龍。

126達成集團今日股價表現一般，可以意味我又要坐艇‥‥‥其持有15%股權o既1668華南城暗盤交易狂瀉超過三成，始料不及 >.<
唯有希望聽日可以企穩o係HK$1.4樓上，否則隻達成集團都幾大鑊 =.=”””

尖沙咀地鐵站間恆生結業；豐明唔做變成大新；永亨又特登出Credit Card Promotion，持AIG信用卡加Full Documents申請信用卡就有HK$100 Pizza Hut / 小慢死Cash Coupon；印度國家銀行開地舖：唔通尖沙咀呢個傳統商業區，以前大家Happy地各有各做，今日就要爭餅食？

聯想到澳門o既濠賭股，如果經營酒店同賭場，又係咪真係可以各有各做，唔怕「良性」競爭？1128永利澳門以超高PE招股，880澳博控股業績唔理想，27銀河娛樂更要靠財技制造帳面利潤，實在唔多樂觀。就算真係買，我會考慮959奧瑪仕控股，因為佢o既賭場比較細，反而有龐大o既疊碼仔業務：身為「門口剃刀」，可以發輝本少利大o既本色。更重要o既，係市場覺得呢門業務收入相對上無o禁穩陣，唔會俾高PE去買，反而提供機會俾人以較低PE買入，搭濠賭順風車。

由於有濃烈o既感覺，10月2日可能會有一個短暫o既較大型調整，所以會安排MPF o既股票基金9月30日轉去強積金保守基金，短暫守一守；股票就睇情況，希望有善價俾我沽一沽。