本來應承朝早o係屋企樓下幫女同事同阿姐買豬腸粉，但個車仔檔無開。
為Manager舉行生日切蛋糕加送禮儀式，食o左4份之1個黑森林。

13:00收工，就落Starbuck會合AIA個agent，然後去麥當當食Lunch，多謝佢份脆辣雞腿包餐。
佢睇過我3份宏利單，覺得份退休plan好平，醫療o既深切治療保障日數唔錯，但份危疾就較貴；亦正正係我刻意獨立份危疾o既原因：可以靈活改為投保更好o既plan，因為無Cash value，只怕健康轉壞。
佢又介紹AIG 拉丁美洲基金同富蘭克林鄧普頓投資基金 - 鄧普頓新興四強基金A股﹝累算﹞ ，我的確留意緊拉丁美洲，因為PE較低，又可以博農業復興；但隻BRIC就唔睇好Russia前景，所以唔考慮。
傾到16:00，之後返屋企打機。

19:30就去尖東大家樂食粟米肉粒飯，再去麥當當用八達通R5積分換HK$10 Coupon，然後去海港城豐澤同百老匯睇電腦。

仍然因為海洋公園而煩燥。因為唔想取病假去玩，所以有諗過遞信做到9月6號，就可以7號去海洋公園，但又好似唔多合乎經濟原則。