終於撞番岩個ac同pw~wakaka~~
我番黎啦~~~~~~~~~~~~~原來有兩年冇番黎up野ga啦wo~~~~~
睇番樓下果個post...05年=.=...哈~
太耐冇上黎啦...
e個blog....係我中2定唔知中3果時開既...
而家...我以經係上界會考生...做左一年野既青年....
e排失業..冇乜野做.想寫番blog..我試過xanga,原來我有兩個ac,
個名仲好短「jr_man」←就係咁...但係我始終都要番黎e度...
因為..e度唔知點解令我有一種屋企既感覺「誇左少少=﹏=」
因為e度...有好多以前我親手寫既回憶....
個blog冇改錯名...回憶...片段...
我睇番以前d post...每一個都帶住好多往日既情懷...
我份人好念舊...
好多以前玩過既game,我有時都會開番舊ac係上面行下睇下,
例如cross gate,軒轅劍等等;細個po開既地方,我都等閒番去行下,
例如我以前住既大角咀,同以前既小學(基全).
有時仲會番朱記給黃叔送來一坏齋啡~~kaka~...
ed全部都係我回憶既一點一滴.
但係...每次囉番d舊野上手果時...就會覺得...
ed野唔再係我擁有既野...我再唔可以好似以前咁囉到咁多衝勁去玩game..
同埋隻game舊左..冇人玩..將要收皮...
轉一邊,大角咀果度以經變得好快...
街頭巷尾仲有d人有手寫d一大條白布...
「反對政府xxxx」果d...原來d舊樓要拆...
要重建....好多好多...身邊美好既野...
要離開我.....只好珍惜而家我所擁有既.....
e句說話...係我半個月前學識既..........

係我中4果年,我識左個女友,叫丫嬋...
佢好靚,高高瘦瘦,腰短腳長,好掂的
佢因為要減肥而入左舞蹈組,而咁岩,
果時為左參加學界舞蹈節而要排一隻有水準d既舞,
果時請丫sean黎教,因為果時我係舞蹈組既主席,
丫sean係每個星期2同5黎教完,
其餘每日放學既時間我都要帶住team(精英)練好隻舞.我冇領導才能,
但係team人因為我跳得好而尊敬我,
肯聽我話,miss馮亦都好信我,好開心..有人認同我,
睇得起我,隻舞要5男5女,果時我個partner就係丫嬋..
我比佢吸引住...
因為我係當時現有既男仔中,
我係最勁,最正經果個(嘿嘿=﹏=),
佢都對我有d野,so,我既初戀就係咁開始左...
同佢一齊既日子好開心,大家感情好好,
我好錫佢,一言難盡,如果要寫佢同我d野...
e度一定唔夠寫,朋友們都睇好我地,話我地好(o親).
佢成為左我生活一部份....3年幾後..
姐係而家...佢係應界會考生...
出黎搵到第一份工...見識多了...
佢公司同士全部都係好勁既....
有錢~有幹勁~有上進心~有商業頭腦~等等全都係好勁既人...
佢都好勤力..日日做到好夜先番屋企,果時我多野膽心...
佢會唔會有咩事既,佢會唔會比人呃ga.
佢咁夜一個女仔番屋企,好危險ga wo...
心入面好多唔放心...雖然佢唔會咁諗,但其實...
我比佢既關心...以經變成一種付擔,一種壓力.....
「你收工打比我丫~~」,
「你食左lunch未丫~?未!?快d搵d野食啦~~」,
「你番到去未丫~而家11點幾啦~你沖埋涼,洗下面咁搞得黎點幾種ga啦」
↑ed....對佢黎講唔再sweet...
而係壓力...佢一心想係丫頭同埋同士既訓練下起飛,
佢要賺大錢,佢變得比從前更加好高望遠,更加現實....
話變就變....
朝早7點幾,
我起身番工,佢未起身,唔嘈佢(佢番11點幾的),
只係send一個msg比佢講早晨,
我番到公司,,,做野...打唔到比佢,
lunch time...佢仲做緊野...有時會唔食...聽唔到我電話,
我放工...佢未收工...好忙...唔搵佢...
11點幾...我send個msg比佢問佢收工未...唔應我...因為好多野做...
12點幾打黎..我收工啦....好累丫好眼訓丫...
公司今日xxxxxx,我頭先xxxxx,同埋我終於學到xxxxxxx,講完...
日日如是...我地再冇傾過私事,亦都冇出黎見大家...
我e排隻手指整親,
我e排睇書睇到一句好好既野...
好多好多野想同佢講,同佢傾...講唔到...
就算有時間傾...佢只會講佢係公司d野...
要我知多d有開成功,搵錢既心得果d,
佢想我變得成一個出色既人...
佢係公司日日對住d成功人士番到黎望番我.....
佢認為我有必要變成佢地咁樣.
....我對眼入面....唔係淨係得$...
我有試過努力...但係...我變唔到果d咁勁既人...
過左一段日子...我地關系惡化...
有一日佢異常地有左好多次電話比我
但講野吞吞吐吐的...心諗..(要來了嗎?)
夜晚佢講左我地再係咁落去...會....
我答佢...不如...我唔搵你一排...
if冇野既...........我地就咁算啦.......
我唔同佢玩暗示....最後佢真係為左佢既「事業」而放棄我,
佢都承認,如果冇左我佢會做得更加好...
冇後顧之憂....講左之後...直到第2日...
我都唔知比我反應自己好....分左手....
我冇左佢會點既呢....我從來未諗過...
亦都唔敢想像....直到夜晚先明白....
原來我冇左佢...
會好似唔見左自己既一半身體咁重要....
我傻左....
果時夜晚3點幾...我衝左過佢屋企樓下搵佢...
佢落左黎...
我攬住佢...喊住咁同佢講我好辛苦...
搞喊埋佢....但佢話....
你以後唔好再咁做...........
好傻..............
搞左好耐....我送到佢去屋企門口果時...
我錫左佢最後一啖.....
我話你可唔可以每日收工都話我知...
等我安心d...
(而家諗番都覺得好傻,但果時我完全方唔低佢...好多野憺心...冇計)
丫嬋佢聽完之後令頭...
「唔可以...咁樣你係唔會放得低我」...
我聽完之後...眼淚湧出黎了....好多...
望住佢轉身走去開門入屋...佢冇回頭望我...我都維有走..
行左一半...愈喊愈西利...
我mu左係大街大聲喊左出黎...喊左好耐好耐........
我咁大個仔...未試過傷心成咁.....
未試過喊得咁勁....我太愛佢....同時自己傷透了...

直到而家....我有屋企人同朋友...夠啦...
佢既野我都唔講落去....
我而家寫既e篇野...
個心都好唔舒服...唔講佢啦...
最後仲係身邊不離不棄既.....都係屋企人,同朋友...
我明白晒....我而家以經唔係好記得丫嬋個樣...
希望佢唔再搵我...我要用時間沖淡e3年黎既回憶.....
同前幾段講既野一樣...好多美好既野都離我而去...
包括丫嬋....所以...我要好好咁珍惜我所擁有既一切.....
同埋囉番之前為左丫嬋而放棄左既野....ed都係熟於我既野
係我既自由......
跳舞....畫野...打機...好多好多...
我仲要keep住e個blog...我要孝順我屋企人...
我要珍惜我既朋友....係佢地離開我之前....我要攬實晒佢地....

我而家...有你地就夠...
多謝你地....