目前徛店人的基本情形，

是啥物狀況咧？

是毋是無上便所的時陣，

人客毋來，

不過那欲上便所的時陣，

人客準來。

無開店吧？

袂死心，

開店了後，

連死的心攏有啊！

無開店的時，

上濟是經濟有淡薄阿無自由，

自從開店了後，

連精神攏出大問題啊！

無開店的時，

上濟是無議量，

這馬開了店，

真正是無伊法，

人咧上班咱嘛咧上班，

人咧下班咱猶原咧上班，

人咧旅遊咱嘛咧上班，

人咧休假咱猶原咧上班！

起床比雞公閣較早，

睏的比狗兒閣較晚，

食的比豬兒較趕緊，

做的比牛兒加誠濟，

煞尾趁的還比別人的閣較少！

自從入了這一途，

逐工全佇厝裡、店頭，

兩點一線這內底在張持，

社交的範圍愈來愈狹，

朋友嘛愈來愈少，

親情五十基本攏無啥咧來往啊！

有一句話是按呢講，

如果你想欲予恁尪，

莫出去花天酒地，四界風騷，

你就予伊開一間路面店，

如果你想欲予恁某，

莫出去過家厚話，黑白瞎拚，

上好，

你嘛予伊開一間路面店。

又閣想欲你的店一直開落去，

你就愛有一個做無期徒刑犯人的心理準備，

等候伊到海水會焦，石頭會爛，

腰變大水桶，

尻川成面桶，

黑頭毛變白鑠鑠，

喙齒全然落了了。

自從開店了後呢？

媠姑娘阿變歐巴桑，

黑狗阿兄變歐基桑，

做甲一、二十年，

逐工看著的是新的人、老的人，

來來去去，

就是不見人客欲來交關，

生理好毋好無要緊，

干焦希望人叫你一聲頭家。

逐日若無開店，

親像幾億的生理無做著按呢，

飛無去啊！

開店了後呢？

也無見著生理有偌好，

閣再長期守佇店內底，

致使人的反應變頇顢，

嚴重的時陣，

閣會出現精神分裂。

無是苦，有是惱，

真正是有一好，無兩好，

一好佮一䆀，無兩好通相排！

以上，

是頂擺參加勞工活動旅遊的時，

一位姓屈的朋友佮我講的，

聽著遮寡內容，

事後，

一想再想實在有夠冤枉！

手機仔面前的各位序大，

恁是毋是嘛是按呢生咧？