30/1 年初二～＊

今日起身可以洗頭了，哈，忍左一日～
逢年初二都去婆婆到，
今日一點幾就上到去喇～
派利是，收利是，
ｔhen就緊係雀局啦，
我同舅母阿姨佢地打，３２，
好彩都係贏，＄50，
六點幾食飯，食完飯後再戰，無輸無贏～
打到九點半就走了，
表姐男友車我返歸，
今日我妹妹同表姐既男友都黎左我婆婆家拜年，
所以更加多人問我點解唔叫天順黎，
ｕm..要拜年嘛..
本來都覺得無咩野，各自各都需要拜年嘛，
但..咁多人問既時候，攪到唔好意思咁..


31/1 年初三～＊

今日一朝早我雙親就出左門去旅行了，
所以開始ｆree喇，
不過好晏起身，
起左身又洗左一機衫先至出門，
去左仙跡岩ｌunch，唸住順便買飛睇戲，
ｗaw，多人到呢，無論睇戲／食飯，都超多人，
睇見都唔想排隊，
我上網睇到既時間又唔岩喎，
又要就時間又要就睇邊套，仲要唔ｆirm幾多人睇，
下次真係一定要前一日買定飛，
過時過節非常麻煩～
最後買左七點三，睇占基利，
我，天順，雞晶，阿ｃhris同麻英，
但又唔記得左天順要陪爺爺食飯，哎呀..
所以最後天順遲左少少先入場，好彩都唔係遲好多。

睇戲前去左佢ｈome，
拿左盒野去拜年，佢ｄad同mum又係去左旅行，
所以得佢爺爺同嫲嫲0係屋企，
好攪笑，
佢嫲嫲可能無袋利是0係身，
竟然，0係銀包掏出＄100比我，哈，有ｄ攪笑，
因而無端端大封過天順，
因為佢嫲嫲年年都係封＄50，我都記得，哈，
佢爺爺就袋左利是，佢地係分開派利是的，
爺爺都係＄100大利是，
今年佢ｄ姊姊同姑姐既利是加左碼，
令我0係佢ｆamily入面逗左差唔多＄800
：Ｄ

套戲幾好笑，都幾值得睇～＊
睇完戲，去左酒泉ｄinner，本來無唸住去呢間，
但因為好多間日本野都未啟市..
麻英翻左歸先，十點幾食完就走ｌu，
天順想去食下糖水，但去到佳記又超多人，
都係唔食了，
去左新元中個ｓeven買左”荔枝舌頭”，幾得意喎～～
ｔhen back 左佢home：)