24/1 星期二

今日ｍolala收左生日禮物啊：０
今朝ｍay姐叫左我入房，
佢抽住一大袋野，其實我遠處都望到hello kitty既字樣，
佢打開比我睇，話送比我做生日禮物，
哈，我話我生日仲有幾個月喎，
佢話因為佢個朋友0係美國翻黎，
所以托佢買，又費事等幾個月後先送..係特別版黎
一隻大，一隻細，
大0個隻仲有個盒入住，
上面寫住３０th Aniversary，好靚，
ｋitty著住粉紅色裙，上面佈滿蝴蝶結，成個公主咁，
我２隻都睇完之後，
佢又話：你揀一隻啦，我唸住比一隻ａngela(阿仁女友)，
等我仲以為２隻都比我～
我緊係揀隻大啦，又靚ｄ～～
真係估佢唔到，ｍolala送野比我，
好在有個盒入住，如果唔係又污糟嫁喇遲ｄ，
不過唔知放邊好...
隻ｋitty腳下面仲有張証書，有ｋitty既簽名，ｆunny~

下晝秋搵過我黎，佢已經放緊假，
不過我約左天順，所以無同佢行到街，
佢就好啦，秋三月去日本啊～～～＊
佢話學校攪既，類似ｅxchange咁，好似去大板，
大家有咩想托佢買，要同佢講喇～

放工立刻去提款，
ｙeah，前日出左雙糧喇～～～＊
本來我應該星期三出糧，但我老闆竟然提早出比我，開心，
但我竟然非常白痴地將抬頭企圖寫左我老闆個名..
後尾要樣衰地搵佢簽翻名...＞.＜

之後就同天順ｂack左佢home，
佢紫家姐今日同我地染髮呀～～
非常之上色，而家都幾啡金下～

新年新年～
呢個新年我要加把勁～～
希望唔好咁凍啦...