今日心情已經平復左好多，雖然個人都係呆下呆下咁...
(希望我哥哥o係考試之前都唔好上我日記睇啦，佢味考完試...我驚影響佢心情...)

我琴日放學番到屋企食完野就訓到今朝早考試...睇下dd paper都冇...因為個人好似好累咁...
考試果陣重好似咩都唔想唸...連D MC都係求求奇奇咁做左就算...

今朝同我家姐傾左陣計，又講起嬤嬤教過我地煮D咩野食...唸唸下，我以後都冇得學就好唔開心啦...
好想有得再食嬤嬤煮ge野食，飲佢整ge涼茶，好想可以再同嬤嬤一早去完游水就去飲茶食早餐...
好想有得嗲下嬤嬤...好多野好想...

琴日凌晨，老豆打唻叫我即刻起身一齊去醫院睇嬤嬤，出到門口老豆個電話又響...
我知道呢一響一定唔係一個好消息唻...
老豆收左線就同我講嬤嬤已經唔係度...果陣我呆曬...雖然已經有曬心理準確...

去到醫院見到嬤嬤冇曬氣息訓係張床到果陣，我真係好想攬住佢唻喊...不過我冇咁做，便加冇喊到出唻。
因為當我見到我ge阿叔,姑姐係度喊果陣，我知道如果我係度一齊喊，佢地見到會便加傷心。。
送完嬤嬤最後一程之後，老豆重話我好冷漠，連滴眼淚都唔流好冇親情，我聽到佢咁講果陣好唔開心，
因為佢次次睇野都係睇表面...算啦，我唔理佢點睇我，我覺得我應該咁做。

過左幾個鐘，我同老豆佢地座車，番工ge番工，番學ge番學。
我地一齊係佐敦落車...我就自已下個去番學....
一早就由佐敦行到番學校，番到學校已經忍唔住喊曬出唻...唉...

真係好多謝我班朋友咁關心我啊，我冇咩事，放心啦，我要靜一靜。