成個星期無打過日記啦..
上圖嗰位” 橙色眼鏡 紅色頭cool 頭紮綠色橡根”
gei 少女 就係我個妹啦..

呢個係佢備戰look 佢會由6月4日開始 一連三個星期會住喺我屋企.
”作戰前準備” 即係溫書啦.!

我知道其實每次佢考試都好辛苦 .
溫咗書但係成績唔好..佢讀書讀到好唔開心...

或者 轉個環境溫書都有幫助gei ..
開頭都有d擔心 佢嚟到呢度唔溫書架..
但係 呢個星期 佢真係照佢的溫習時間表來實行..休息時休息.
溫習嗰時 真係好認真.!

雖然佢要更早起身返學..但係佢竟然可以自動自覺起身 無遲到.!!
真係超神奇.!(皆因佢之前 成半個學期遲到咗都唔知幾多次..)
仲好乖咁 會主動幫我洗吓碗 .. 洗埋自己套校服.!

妹妹! 你要俾心機呀.! 仲有兩個星期 跟住就可以鬆一鬆..
其實 我知道你有努力過 即使成績唔好.. 都唔緊要啦.!
錫晒你.叫姐夫整多D好嘢俾你食..!