自從話咗俾人知 我有咗bb之後..
好多朋友都替我高興..

剛過去嗰個星期六 一班朋友(雪雪 partick amy 軒軒 同呀一)
就組團上咗來探我 陪我玩..
買咗好多嘢俾我..

本來佢哋話七點上來..
佢哋由六點半開始買嘢俾我..
問我有咩想食 有咩需要 最後叫埋pizza..
上到來都八點幾啦...
可想而知 佢哋買咗幾耐嘢呢..
感激不盡呀 一班人一齊食嘢 係我覺得最開心的時間..
我哋一路食 一睇<<亂世佳人>>大結局 但係原來個個都無追開呢套電視劇..
唔知頭唔知路咁 睇吓後面的臨記.都幾搞笑..
另外 我俾嗰兩張超聲波bb相佢哋睇..
佢哋好想像力都看到好多東西..又話見到咕咕..又話係臍帶.
我就淨係睇到五官咋.哈哈..

佢哋未上來嗰時.
我仲好似死狗咁 伏在梳化..
佢哋來到啦..話 精神都不得了..^,^

佢哋喺度食完嘢 玩到十一點幾就齊齊走啦..
咁我哋兩公婆當然送到佢哋各人去巴士站啦..
順道散散步..

好可惜今次無打牌..不過都唔緊要.
呀 如果佢哋得閒嚟吓就好啦..熱鬧d..我就會好happy架啦..
好多謝來探我gei朋友仔呀..