■潘文良著作集＞自在品＞笑經＞諺語

　　◎有錢無錢

　　　　　　　　　　　　　　⊕作者：佚名

・有錢講話大聲、無錢講話鬼聽。
・有錢逐家攏好、無錢恁娘較好。　逐家‥大家。　攏好‥都好。
・有錢叫你董的、無錢叫你等咧。　恁‥你、你們。國語用「您」。
・有錢妝𠇺嫷嫷、無錢穿𠇺若鬼。　𠇺‥語助詞，如「價、得」。嫷‥漂亮。
・有錢山珍海味、無錢無碗無箸。　箸‥筷子。
・有錢啉威士忌、無錢啉維士比。　啉‥喝、飲。
・有錢駛車免牌、無錢騎車著害。
・有錢看病免排、無錢破病等坮。　坮‥埋。
　
　　此文為友人所函寄，未知原作者，於網上尋得‥
◎笑談有錢佮無錢（文／劉志祥）2011.08.31 08:10。連結已失連。
　　有錢判生、無錢判死。
　　有錢啉威士忌、無錢啉維士比。
　　有錢講話會大聲，沒錢講話無人聽。
　　有錢叫你董仔、無錢叫你等咧。
　　有錢看病呣免排、無錢破病等咧坮。
　　有錢駛車免牌、無錢駛車就害。
　　有錢山珍海味、無錢無碗無箸。
　　有錢逐家攏好、無錢恁娘仔卡好。
　　有錢買衫看標籤、無錢買衫看標價。
　　有錢妝𠇺嫷嫷、無錢穿𠇺若鬼。
　　有錢住西北海、無錢啉西北風。
　　有錢時，假無錢；無錢時，假有錢。
　　有錢有勢、無錢歹勢。
　　有錢食鮸、無錢免食。
　　有錢烏龜坐大廳、無錢秀才人人驚。
　　有錢做阿哥、無錢𧟰囉嗦。
　　有錢錢有，呣驚世事；無錢錢無，行路死趖。
　　有錢買蚊仔香、無錢買蚊罩。
　　有錢買奴才來做、無錢賣人做奴才。
　　有錢驚囡仔呣食、無錢驚囡仔大食。
 
　※此文已經阿文，重新整修、正字、註解。　2011.09.20.二　10:14:05
◇有錢無錢（歌。作詞：Wang1012／編曲：MGdesigner）2011.08.26上傳：
　http://www.youtube.com/watch?v=hr-ResPCZEk
　
==========================================================
※舊文整修，重舖於「新聞台」。
◎潘文良整修《有錢無錢》。2021.02.14.日　00:00:39
　http://mypaper.pchome.com.tw/avun01/post/1380571429
※本文轉貼於臉書。2021.02.14.日　00:03:00
　https://www.facebook.com/avun.pan/posts/3422731481171750
■標籤：有錢、無錢、攏好、較好、恁娘較好、董的、等咧、山珍海味、無碗無箸、威士忌、維士比、看病、破病、標籤、標價